“ჩემი ინფორმაციით, “სადრამაქვინო“ ამბავი წინ გვაქვს“ - რას წერს თინა ხიდაშელი აშშ-ის მიერ, საქართველოსთვის საიმიგრაციო ვიზების შეჩერებაზე
საქართველოს თავდაცვის ყოფილი მინისტრი, თინა ხიდაშელი აშშ-ის გადაწყვეტილებას ეხმიანება, რომლის მიხედვითაც სახელმწიფო დეპარტამენტმა 75 ქვეყანაში, მათ შორის საქართველოში საიმიგრაციო ვიზების გაცემა შეაჩერა.
“რატომ დგამთ ტრაგედიას იქ სადაც არ არის? ეს "დრამაქვინობა" რატომ და როდის გახდა მოდური? სანერვიულო და ტრაგიკული ცოტა ხდება რომ არ გამოვიგონოთ?
- არა - საქართველოს შიდა პოლიტიკური ამბები არაფერ კავშირში არ არის სახელმწიფო დეპარტამენტის დღევანდელ განცხადებასა და ქვეყნების ჩამონათვალთან.
- არა - ეს არ ნიშნავს რომ დასრულდა საქართველოში ამერიკის ვიზების გაცემა. ვინაიდან მხოლოდ ემიგრაციისთვის რომ მიმართავენ იმ ხალხს ეხება ახალი წესები.
- არა - უკვე გაცემული ვიზის მფლობელებზე არ აისახება ეს გადაწყვეტილება.
- არა - დაფინანსება მოპოვებულ სტუდენტებს არ შეეხება ეს გადაწყვეტილება. საქართველო კი არა ნატოს წევრი ქვეყნები არიან ჩამონათვალში / ალბანეთი, მონტენეგრო...
PS სინამდვილეში, ჩემი ინფორმაციით, “სადრამაქვინო“ ამბავი წინ გვაქვს,“ - წერს ხიდაშელი.
- შეგახსენებთ, საერთაშორისო მედიაში გავრცელდა იმ ქვეყნების სრული სია, რომელთა მოქალაქეებისთვისაც აშშ ვიზების გაცემას შეაჩერებს. საქართველოს გარდა სიაშია რუსეთი, სომხეთი და აზერბაიჯანი.
ქვეყნების სრული ჩამონათვალი ასეთია: ავღანეთი, ალბანეთი, ალჟირი, ანტიგუა და ბარბუდა, სომხეთი, აზერბაიჯანი, ბაჰამის კუნძულები, ბანგლადეში, ბარბადოსი, ბელარუსი, ბელიზი, ბუტანი, ბოსნია, ბრაზილია, ბირმა, კამბოჯა, კამერუნი, კაბო-ვერდე, კოლუმბია, კოტ-დ’ივუარი, კუბა, კონგოს დემოკრატიული რესპუბლიკა, დომინიკა, ეგვიპტე, ერიტრეა, ეთიოპია, ფიჯი, გამბია, საქართველო, განა, გრენადა, გვატემალა, გვინეა, ჰაიტი, ირანი, ერაყი, იამაიკა, იორდანია, ყაზახეთი, კოსოვო, ქუვეითი, ყირგიზეთი, ლაოსი, ლიბანი, ლიბერია, ლიბია, მაკედონია, მოლდოვა, მონღოლეთი, მონტენეგრო, მაროკო, ნეპალი, ნიკარაგუა, ნიგერია, პაკისტანი, კონგოს რესპუბლიკა, რუსეთი, რუანდა, სენტ-კიტსი და ნევისი, სენტ-ლუსია, სენტ-ვინსენტი და გრენადინები, სენეგალი, სიერა-ლეონე, სომალი, სამხრეთ სუდანი, სუდანი, სირია, ტანზანია, ტაილანდი, ტოგო, ტუნისი, უგანდა, ურუგვაი, უზბეკეთი და იემენი.
ინფორმაციისთვის, პაუზა 21 იანვრიდან შევა ძალაში და განუსაზღვრელი ვადით გაგრძელდება იქამდე, ვიდრე სახელმწიფო დეპარტამენტი სავიზო პროცედურების ხელახლა შეფასებას არ დაასრულებს.
იხილეთ ასევე: