წყალბურთში ევროპის ჩემპიონატზე, საქართველოს ნაკრებმა სლოვენია გაანადგურა და მეორე ეტაპზე გავიდა
ბელგრადში, წყალბურთში ევროპის ჩემპიონატის ფინალური ეტაპის B ჯგუფში, ბოლო, მესამე ტურში საქართველოს ნაკრებმა სლოვენია 22:11 დაამარცხა.
თავიდან მატჩი თანაბარი გამოვიდა, ორივე გუნდმა ბევრი შეცდომა დაუშვა და პირველი ტაიმი 8:8 დასრულდა. შესვენების შემდეგ საქართველოს ნაკრებმა მეტოქე დაჯაბნა და დამაჯერებელი გამარჯვება მოიპოვა.
საქართველოს ნაკრებმა სამი შეხვედრიდან ერთი მოიგო, ჯგუფში მესამე ადგილი დაიკავა და მეორე ჯგუფურ ეტაპზე გააგრძელებს ასპარეზობას, რომელიც 17 იანვარს დაიწყება.