"ქმარმა მითხრა, - ძვირფასო, არ გაინძრე, შენს სხეულზე პითონია" - ავსტრალიაში ქალს საწოლში 2,5-მეტრიანი პითონი შემოეხვია

ავსტრალიელმა ქალმა, რეიჩელ ბლურმა, შუაღამისას საწოლში იგრძნო, რომ სხეულზე მძიმე რაღაც ჰქონდა შემოხვეული. თავდაპირველად იფიქრა, რომ ძაღლი იწვა მასთან ერთად, მაგრად, როცა ხელი შეახო, გლუვი და ცივი სხეული იყო. მისმა პარტნიორმა შუქი აანთო და შიში დადასტურდა.

• "ძვირფასო, არ გაინძრე, შენს სხეულზე პითონია შემოხვეული",- მითხრა მან" - იხსენებს რეიჩელი მედიასთან საუბრისას.

ქალი ამბობს, რომ პირველ რიგში რაზეც იფიქრა ის იყო, რომ ძაღლები გაეყვანა ოთახიდან, რადგან სრული ქაოსი დაიწყებოდა.

"ვცდილობდი, საბნიდან ნელ-ნელა გამოვცოცებულიყავი. თავში მხოლოდ ერთი კითხვა მიტრიალებდა - ეს მართლა ხდება? რა აბსურდია", - იხსენებს ქალი.

მისი ვარაუდით, პითონი ოთახში ფანჯრიდან შეძვრა და პირდაპირ საწოლში მოთავსდა.

რეიჩელის თქმით, პითონი დაახლოებით, 2,5 მეტრის სიგრძის იყო. როდესაც თავი გაითავისუფლა, პითონს ხელი მოჰკიდა, თუმცა, როგორც ქალი იხსენებს, ის შეშინებული არ ჩანდა და არ იყო აგრესიული.

• "ვფიქრობ, თუ შენ შეძლებ სიმშვიდე შეინარჩუნო, ისინიც მშვიდად არიან", - ამბობს რეიჩელი. მისივე თქმით, პითონი კვლავ გარე სამყაროს დაუბრუნდა და ამ შემთხვევას, ყველა უვნებელი გადაურჩა.

ცნობისთვის ამ ტიპის პითონები მრავლად არიან გავრცელებულნი ავსტრალიის სანაპირო რაიონებში და როგორც წესი, პატარა ცხოველებითა და ფრინველებით იკვებებიან

წყარო