ისტორია დაწერილია: ნიკა ეგაძე ფიგურულ ციგურაობაში ევროპის ჩემპიონია

შეფილდში მიმდინარე ევროპის ჩემპიონატზე ფიგურულ ციგურაობაში საქართველოს წარმომადგენელმა ნიკა ეგაძემ მამაკაცთა კატეგორიაში თავისუფალი პროგრამაც უმაღლეს დონეზე შეასრულა და 23 ქვეყნის 29 სპორტსმენს შორის პირველ ადგილი დაიკავა. მან 4 ოთხმაგი ნახტომი შეასრულა და მხოლოდ თავისუფალ პროგრამაში 181.72 ქულა დაიმსახურა, ჯამში კი - 273 ქულა მოაგროვა. შედეგად ნიკა ეგაძე ევროპის ჩემპიონია.

მეორე ადგილზე გავიდა იტალიელი მატეო რიცო, მესამე ადგილი კი - ჩეხმა სპორტსმენმა გიორგი რეტჩენკომ დაიკავა.

აღსანიშნავია, რომ ნიკამ მეორე ადგილოსან რიცოს 17 ქულით გაუსწრო.

ამ ევროპის ჩემპიონატზე ოქროს მედლები ასევე მოიპოვა საქართველოს წარმომადგენელმა სპორტულმა წყვილმა - ჩემპიონები გახდნენ ბერულავა-მეტელკინა.

იხილეთ ასევე:

• "ლუკა ბერულავა ჩემი ნათლიმამაა, ამ ზაფხულს გახდა ჩემი ნათლიმამა, ახლა კი ორივე ჩემპიონები ვართ..." - რა თქვა ნიკა ეგაძემ ევროპის ჩემპიონატზე გამარჯვების შემდეგ?
• "დილის ვარჯიში საშინელი იყო, შემდეგ კი..." - ვინ არის ნიკა ეგაძე და რა როლს ასრულებს ეთერ თუთბერიძე მის წარმატებაში?
• ისტორიაში პირველად: საქართველოს წარმომადგენელი სპორტული წყვილი ფიგურულ ციგურაობაში ევროპის ჩემპიონი გახდა