იარაღის დაუდევრად შენახვის ბრალდებით, არასრულწლოვნის ბაბუა დააკავეს - წყალტუბოში მომხდარი ტრაგედიის დეტალები
წყალტუბოს რაიონის სოფელ გუმათში. ბრმა ტყვიამ მოზარდი 12 წლის მოზარდი იმსხვერპლა. შემთხვევა ძველით ახალ წელს მოხდა.
იარაღის დაუდევრად შენახვის ბრალდებით, სამართალდამცავებმა არასრულწლოვანის ბაბუა დააკავეს. ამის შესახებ Ambebi.ge-ს შსს-ში განუცხადეს.
- არსებული ინფორმაციით, გეგი ხეცურიანს შემთხვევით გავარდნილი ტყვია არტერიაში მოხვდა და მისი გადარჩენა ვერ მოხერხდა.
"გული მოგვიკლა გეგის ამბავმა. მოულოდნელი და შემზარავი ტრაგედიაა ეს ყველასთვის. საუბარიც გვიჭირს ამ თემაზე. როგორც ვიცით, თოფი მოიპარეს ბავშვებმა და ერთ-ერთს გაუვარდა იარაღი. გეგის არტერიაში მოხვდა. სამწუხაროდ ვერ გადაარჩინეს" - ამბობენ ადგილობრივები.