უამინდობა ქვეყანაში - როდემდე გასტანს დიდთოვლობა და ყინვა

20 იანვრის დილამდე აღმოსავლეთ საქართველოში მოსალოდნელია ნალექი, ზოგან ძლიერი, უმეტესად თოვლის სახით, ნისლი, ქარბუქი, ელექტროგადამცემ ხაზებზე შემოყინულობა, გზებზე ლიპყინული, მთიან რაიონებში - ზვავსაშიშროება.

ამის შესახებ ინფორმაციას გარემოს ეროვნული სააგენტო აქვეყნებს.დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო, საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.

მოსალოდნელმა ძლიერმა ნალექებმა შესაძლებელია გორაკ-ბორცვიან და მთიან ზონებში მეწყრული პროცესების ჩასახვა-გააქტიურება გამოიწვიოს (საფრთხის დონე საშუალო).

წაიკითხეთ ასევე:

• მთელი ქვეყნის მასშტაბით შეზღუდვებია გზებზე - სად რა ვითარებაა: გზების დეპარტამენტი ახალ ინფორმაციას ავრცელებს
• “მოსალოდნელია კიდევ უფრო მეტი უხვი ნალექი, მოვუწოდებ მძღოლებს, თავი შეიკავეთ ზამთრის საბურავების გარეშე გადაადგილებისგან“ - კახა კალაძე