"2026 წლის 12 აგვისტოს დედამიწა რამდენიმე წამი გრავიტაციას დაკარგავს" - როგორ ეხმაურება NASA შეთქმულების თეორიას, რომელმაც ინტერნეტი "ააფეთქა"
ბოლო დროს, თითქმის ყველა ონლაინ პლატფორმაზე გავრცელდა უცნაური შეთქმულების თეორია, რომელზეც ყველა საუბრობს. სხვადასხვა ინფლუენსერები ამტკიცებენ, რომ 2026 წლის 12 აგვისტოს, ზუსტად 14:33 საათზე GMT-ით (9:33 AM ET), დედამიწა 7 წამის განმავლობაში გრავიტაციას დაკარგვას. ამ ინფორმაციას თან ერთვის AI-ს მიერ შექმნილი შთამბეჭდავი ვიდეოები, სადაც ადამიანები ცაში მიფრინავენ...
თეორიის მომხრეების თქმით, ეს „საიდუმლო“ NASA-ს დოკუმენტში, სახელწოდებით „პროექტის წამყვანი“ წერია. ისინი ამტკიცებენ, რომ დოკუმენტის შინაარსმა ონლაინ 2024 წლის ნოემბერში გაჟონა.
-
შეთქმულების თეორიის მიმდევრებს სჯერათ, რომ ამ მოვლენას შესაძლოა მინიმუმ 40 მილიონი ადამიანის სიკვდილი მოჰყვეს. ამის განსახილველად X-ის ფორუმზე ათასობით შეშფოთებული ადამიანი შეიკრიბა - ისინი თავდაცვის და გადარჩენის გზებს განიხილავენ.
„თუ ეს ყალბი ინფორმაციაა, რატომ არის ცნობილი ზუსტი თარიღი, პროექტის სახელი და ბიუჯეტი?“ - იკითხა ერთ-ერთმა მომხმარებელმა.
„თუ ეს მოხდება, ბევრი დაზიანდება დაცემისას,“ - წერს მეორე.
-
აჟიოტაჟს NASA ოფიციალურად გამოეხმაურა.
NASA-ს ექსპერტების თქმით, შეუძლებელია ეს აბსურდული თეორია რეალობად იქცეს. ამასთან, Project Anchor-ის არანაირი კვალი არ გაჟონილა ონლაინ. შეთქმულების თეორიების მოყვარულთა მტკიცებების მიუხედავად, გასული წლის დეკემბრამდე ონლაინ რეჟიმში გაჟონილი დოკუმენტების ან შესახებ ნახსენების არანაირი კვალი არ არსებობს.
„დედამიწა2026 წლის 12 აგვისტოს გრავიტაციას არ დაკარგავს. დედამიწის გრავიტაცია, ანუ მთლიანი გრავიტაციული ძალა, მისი მასით განისაზღვრება. დედამიწას გრავიტაციის დაკარგვის ერთადერთი გზა ის არის, თუ მთელი დედამიწის სისტემა - ანუ მისი ბირთვის, მანტიის, ქერქის, ოკეანეების, ხმელეთის წყლისა და ატმოსფეროს კომბინირებული მასა - დაკარგავს მასას“, - განუცხადა NASA-ს წარმომადგენელმა ფაქტების შემოწმების ვებსაიტ Snopes-ს.
- მიუხედავად იმისა, რომ შეთქმულების თეორიის ზუსტი წარმოშობა უცნობია, ერთ-ერთი ყველაზე ძველი პოსტი Instagram მომხმარებელს @mr_danya_of-ს ეკუთვნის.
„2026 წლის 12 აგვისტოს, სამყარო შვიდი წამით დაკარგავს გრავიტაციას. NASA-მ ეს იცის. ისინი ემზადებიან, მაგრამ არაფერს გვეუბნებიან,“ - წერს ის და აღნიშნავს, რომ ეს გამოიწვევდა მილიონობით ადამიანის სიკვდილს.
პოსტი ასევე შეიცავდა Project Anchor-ის შესახებ სავარაუდო დეტალებს, სადაც ამტკიცებდნენ, რომ მისი ბიუჯეტი „89 მილიარდი დოლარი“ იყო და ფინანსები „მიწისქვეშა ბუნკერების მშენებლობას“ მოხმარდებოდა.
-
რატომ სჯერათ ადამიანებს შეთქმულების თეორიების?
კენტის უნივერსიტეტის მკვლევრებმა აღმოაჩინეს ძლიერი კავშირი შეთქმულების თეორიების რწმენასა და გარკვეულ ფსიქოლოგიურ თვისებებს შორის. როგორც აღმოჩნდა, შეთქმულების თეორიების ყველაზე მეტად ნარცის ადამიანებს სჯერათ. მაღალი ნარცისიზმის ქულების მქონე ადამიანები იმდენად თავდაჯერებულები არიან, რომ სიღრმისეული კვლევებისგან ხშირად თავს იკავებენ.
ხოლო დაბალი თვითშეფასების მქონე ადამიანებზე გავლენის მოხდენა მარტივია.
მიჩნეულია, რომ არსებობს სამი ძირითადი მიზეზი, რის გამოც ადამიანები სჯერათ შეთქმულების თეორიების.
- გაგებისა და დარწმუნებულობის სურვილი - მიმდინარე მოვლენების ახსნა-განმარტებების ძიება ადამიანის ბუნებრივი სურვილია.
- კონტროლისა და უსაფრთხოების სურვილი - შეთქმულების თეორიებს შეუძლიათ თავიანთ მიმდევრებს კონტროლისა და უსაფრთხოების განცდა მისცენ.
- პოზიტიური თვითშეფასების შენარჩუნების სურვილი - ადამიანებს, რომლებიც თავს სოციალურად მარგინალიზებულად გრძნობენ, უფრო მეტად სჯერათ შეთქმულების თეორიების, რაც მათ თავის დამკვიდრებაში ეხმარებათ.
იხილეთ ასევე:
- აინშტაინმა იწინასწარმეტყველა - მარსმა დაადასტურა: აღმოჩენა წითელ პლანეტაზე, რომელიც მისი კვლევის ყველა პერსპექტივას ცვლის
- "შეუძლებელი მიღწეულია" - მეცნიერებმა შეიმუშავეს ინექცია, რომელიც სიბრმავის თავიდან აცილებას შესაძლებელს ხდის
- კოსმოსიდან დაბრუნებულმა თაგვმა 9 შვილი გააჩინა: ჩინელი მეცნიერების სენსაციური ექსპერიმენტი და გადარჩენის დრამატული ისტორია