27 წლის ბიჭმა თბილისში მოქალაქეს ჩანთა გასტაცა და მიიმალა - ის პოლიციამ უკვე დააკავა: შსს ინფორმაციას ავრცელებს
27 წლის ბიჭმა თბილისში მოქალაქეს ჩანთა გასტაცა და მიიმალა - ის პოლიციამ უკვე დააკავა. ამის შესახებ შინაგან საქმეთა სამინისტროს ინფორმაციაშია ნათქვამი.
"თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა, ძარცვის ბრალდებით აზერბაიჯანის მოქალაქე, 1999 წელს დაბადებული ფ.ა. დააკავეს.
- გამოძიებამ დაადგინა, რომ ბრალდებულმა თბილისში ერთ-ერთ მოქალაქეს ხელჩანთა გასტაცა და შემთხვევის ადგილიდან მიიმალა.სამართალდამცველებმა ფ.ა.
დანაშაულის ჩადენიდან მალევე, ბრალდებულის სახით დააკავეს. ნივთმტკიცებად ამოღებულია მართლსაწინაარმდეგოდ დაუფლებული ხელჩანთა.გამოძიება საქართველოს სისხლის სამართლის კოდექსის 178-ე მუხლის მე-2 ნაწილით მიმდინარეობს, რაც 6 წლამდე ვადით თავისუფლების აღკვეთას ითვალისწინებს" - ნათქვამია ინფორმაციაში.