"გუშინ, 19 იანვარს, სიკეთით სავსე ქალაქში, სადიზმის ჯგუფური გამოვლინება ვნახეთ... გაამოთ ადამიანების წამებით მიღებული სიამოვნება. თქვენს მიერ ინტერპრეტირებული ქრისტიანობაც არსად დაგეკარგოთ!" - ნატა მურვანიძე

მსახიობი ნატა მურვანიძე მიხეილ ყავლაშვილის გამოცემულ შეწყალების აქტს და იმ პროცესებს ეხმაურება, რაც გუშინ და წუხელ ხდებოდა.

“სადიზმი - სხვისი ტანჯვით სიამოვნების მიღება" - მეტი არაფერი იმ კაცს არ დაუწერია თავის რომანებში და მეტს არც არაფერს აკეთებდა, რის გამოც ნახევარი ცხოვრება ციხეში გაატარა და ბოლოს შერანტონით (ფსიქიატრიული საავადმყოფო) დაამთავრა.

მარკიზ დე სადმა ადამიანის ყველაზე ბნელი ნაწილი იკვლია. დღეს გვაქვს გზამკვლევი, რაზეა ადამიანი წამსვლელი.

გუშინ, 19 იანვარს, სიკეთით სავსე ქალაქში, სადიზმის ჯგუფური გამოვლინება ვნახეთ.

გაამოთ ადამიანების წამებით, (მხოლოდ მსხვერპლისთვის მიყენებული ტკივილით არა) დედების, მამების, ძმების და დების, მეგობრების წამებით მიღებული სიამოვნება.

შეგერგოთ ის, რაც მარკიზ დე სადსაც კი არ უკადრებია.

თქვენს მიერ ინტერპრეტირებული ქრისტიანობაც არსად დაგეკარგოთ!" - წერს ნატა მურვანიძე.

იხილეთ ასევე:

• "მოწყალების დღეს ყველაზე არაკაცური ქმედება ჩაიდინეთ, გგონიათ, რომ ეგ წამება არ არის? ტელევიზორიდან მაყურებინებთ, თუ როგორ იყინება დედაჩემი ამ საშინელ ამინდში - როდის შეგძულდათ ასე ადამიანი?" - ზვიად ცეცხლაძე