სუს-ი გარდაცვლილი თანამშრომლის ვინაობას ასაჯაროებს - "ის 2015 წლიდან მუშაობდა ჩვენს სამსახურში და იყო ღირსეული, გამოცდილი თანამშრომელი"

დღეს სახელმწიფო უსაფრთხოების სამსახურის სიახლოვეს, მანქანაში ამ უწყების თანამშრომელი გარდაცვლილი ნახეს. ამის თაობაზე ინფორმაციას სუს-ი ავრცელებს, რომელსაც უცვლელად გთავაზობთ:

"კიდევ ერთხელ ღრმა მწუხარებას გამოვთქვამთ ჩვენი თანამშრომლის, ანტიკორუფციული სააგენტოს უფროსი ინსპექტორის, სიმონ წაქაძის გარდაცვალების გამო და სამძიმარს ვუცხადებთ მის ოჯახს, ახლობლებსა და კოლეგებს.

მისი გარდაცვალება უდიდესი ტრაგედია და დანაკლისია ჩვენთვის. სიმონ წაქაძე 2015 წლიდან მუშაობდა ჩვენს სამსახურში და იყო ღირსეული, გამოცდილი თანამშრომელი, რომელიც გამოირჩეოდა საქმისადმი ერთგულებითა და მაღალი პროფესიონალიზმით.

უმძიმეს ფაქტთან დაკავშირებით გარკვეული პირების მხრიდან ვრცელდება სპეკულაციური განცხადებები, რაც კიდევ უფრო ამძიმებს გარდაცვლილის ოჯახის, მეგობრებისა და კოლეგების ტკივილს.უმორჩილესად ვთხოვთ ყველას, თავი შეიკავონ მანიპულაციური განცხადებებისგან და პატივი სცენ გარდაცვლილის ხსოვნას".

მომხდარს თბილისის პროკურატურის საგამოძიებო სამმართველო სისხლის სამართლის კოდექსის 115-ე მუხლით იძიებს, რაც.თვითმკვლელობამდე მიყვანას გულისხმობს.

იხილეთ ასევე:

• სუს-თან, მანქანაში, უწყების თანამშრომლის ცხედარი იპოვეს - გარდაცვლილმა წერილი დატოვა: რა დეტალები ხდება ცნობილი