მფრინავი ტაქსი უკვე აშშ-ში გამოჩნდება - როგორი იქნება ახალი ტექნოლოგია
"საჰაერო ტაქსი“ შესაძლოა, მალე ნიუ-იორკში გამოჩნდეს - გასულ კვირას მანჰეტენში პრეზენტაციაზე დიდ ბრიტანეთში დაფუძნებულმა ტექნოლოგიურმა კომპანია Vertical Aerospace-მა თავისი ფუტურისტული თვითმფრინავი, Valo წარადგინა.
- "თუ მასობრივ ტრანსპორტზე ფიქრობთ... ინფრასტრუქტურა უბრალოდ აღარ მუშაობს“, - განუცხადა კომპანიის აღმასრულებელმა დირექტორმა სტიუარტ სიმპსონმა The Post-ს თვითმფრინავის წარდგენისას.
- მისი თქმით, ფირმა მიზნად ისახავს, რომ ელექტრო თვითმფრინავმა 2028 წლისთვის ფედერალური საავიაციო ადმინისტრაციისა (FAA) და დიდი ბრიტანეთის მარეგულირებელი ორგანოების სერტიფიცირება მიიღოს მოკლე რეისების შესასრულებლად, როგორიცაა ჯონ კენედის აეროპორტიდან მანჰეტენის ცენტრამდე ფრენა.
მფრინავი ელექტრომობილის "ჰიბრიდულ“ ვერსიას ექვსამდე მგზავრის გადაყვანა და 1 600 კმ-ის მანძილის დაფარვა შეუძლია. ჯერჯერობით უცნობია რა ეღირება მფრინავი ელექტრომობილით მგზავრობა.
ტექნოლოგიურმა კომპანიამ უკვე მიიღო თითქმის 1 500 წინასწარი შეკვეთა - მის ძირითად მომხმარებლებს შორის არიან American Airlines, Avolon, Bristow და Japan Airlines.