რუსეთმა ოდესას დრონებით შეუტია - დაშავდა 20-ზე მეტი მშვიდობიანი მოსახლე, სამაშველო სამსახური კორპუსის ნანგრევებში მოყოლილ ადამიანებს ეძებს

რუსულმა ძალებმა 27 იანვრის ღამეს ოდესას დრონებით შეუტიეს, რის შედეგადაც რამდენიმე ადამიანი დაშავდა და ინფრასტრუქტურა და საცხოვრებელ შენობები დაზიანდა.

უკრაინული მედიის ინფორმაციით, თავდასხმის შედეგად დაზიანდა ინფრასტრუქტურული ობიექტი, საცხოვრებელი შენობები და სამშენებლო მოედანი.

დაშავებულთა რაოდენობა 22-მდე გაიზარდა. ისინი საავადმყოფოში არიან გადაყვანილები.

სამძებრო-სამაშველო ოპერაციები გრძელდება, ნანგრევების ქვეშ, შესაძლოა, ადამიანები იყვნენ მოყოლილი.

• „წინასწარი შეფასებით, ნანგრევების ქვეშ შესაძლოა სამი ადამიანი იმყოფებოდეს. სამაშველო სამუშაოები გრძელდება და მობილიზებულია კინოლოგიური სამსახურები“, - აცხადებენ უკრაინის საგანგებო სიტუაციების სამსახურში.

უწყების ცნობით, თავდასხმამ ორსართულიანი საცხოვრებელი შენობა დააზიანა. სხვა მისამართზე, ორსართულიანი შენობის მეორე სართულზე მდებარე ბინა დაინგრა. ასევე დაინგრა ოთხსართულიანი საცხოვრებელ შენობაში მდებარე ბინები.

საგანგებო სიტუაციების სამსახურის ცნობით, დაშავებულებს შორის 5 ბავშვია.

წყარო