“მე შევიძენ შენს სახლს თუ...“ - არმან ცარუკიანი ილია თოფურიას მიმართავს

ცნობილი გახდა, რომ UFC-ის ორგზის ჩემპიონი, ილია თოფურია ყიდის ესპანეთში, კერძოდ ბოადილია-დელ-მონტეში მდებარე ვილას, სადაც მებრძოლი ყოფილ მეუღლესთან - ჯორჯინა უზკატეგუისთან ერთად ცხოვრობდა.

ესპანური მედიის ინფორმაციით სასახლე მადრიდის პრესტიჟულ უბანში, Las Lomas-ში მდებარეობს და 3.5 მილიონ ევროდ იყიდება. ეს ასევე ის ადგილია, სადაც თოფურია თავისი კარიერის ყველაზე მნიშვნელოვანი ბრძოლებისთვის ემზადებოდა.

• აღნიშნულ ინფორმაციას X-ზე გამოეხმაურა არმან ცარუკიანი. ის ილია თოფურიას მიმართავს და წერს, რომ მზად არის მისი სასახლე შეიძინოს, თუმცა ერთი პირობით - ილია თოფურია მასთან ჩხუბს უნდა დათანხმდეს.

“მე შევიძენ შენს სახლს თუ დათანხმდები, რომ მომდევნო ორთაბრძოლას ჩემთან გამართავ,“ - წერს UFC-ის სომეხი მებრძოლი.

არმან ცარუკიანი დიდი ხანია ილია თოფურიასთან ბრძოლას ითხოვს, თუმცა მისი წინადადება ჯერ სერიოზულად არ განიხილება.

იხილეთ ასევე:

• ილია თოფურია მადრიდის პრესტიჟულ უბანში მდებარე სასახლეს, სადაც ჯორჯინა უზკატეგუისთან ერთად ცხოვრობდა, 3-მილიონ ევროდ ყიდის - რას წერს ესპანური მედია?