პსჟ-ს ფრე "ნიუკასლთან" და კვარაცხელიას ტრავმა - რამდენად რთულია მისი მდგომარეობა და რა თქვა ქართველის დაზიანების შესახებ ლუის ენრიკემ მატჩის შემდეგ

ჩემპიონთა ლიგის პირველი ეტაპი დასრულდა და გუშინ ამ ეტაპის ბოლო მატჩები გაიმართა. პსჟ საკუთარ მოედანზე "ნიუკასლს" დაუპირისპირდა და მატჩი ანგარიშით 1-1 დასრულდა.

ამ შედეგით პარიზული კლუბი ჩემპიონთა ლიგის 8 საუკეთესო კლუბს შორის ვერ მოხვდა და მერვედფინალისთვის პლეი-ოფში მოუწევს ბრძოლა.

• პსჟ-ს ერთადერთი გოლი ხვიჩა კვარაცხელიას საგოლე გადაცემის შედეგად გავიდა - გოლი ვიტინიამ გაიტანა.

სამწუხაროდ, მეოცე წუთზე ელანგა "კვარას“ ეუხეშა, ქართველმა მარჯვენა ტრავმა მიიღო და სამედიცინო პერსონალის დახმარებით დატოვა მოედანი. ის დეზირე დუემ შეცვალა.

• დაზუსტებული ინფორმაცია იმის შესახებ, თუ რამდენად რთულია ხვიჩას მდგომარეობა, ჯერჯერობით ცნობილი არ არის.

თუმცა აღსანიშნავია, რომ პსჟ-ს მთავარმა მწვრთნელმა, ლუის ენრიკემ მატჩის შემდგე, მედიასთან ისაუბრა ამ თემაზე და თქვა, რომ შიშობს, შესაძლოა რთული ტრავმა აღმოჩნდეს.

"ტრავმის გამო კიდევ ერთი მნიშვნელოვანი მოთამაშე დავკარგეთ; ხუთშაბათს მას სამედიცინო კვლევა ჩაუტარდება და თუ საქმე კოჭს ეხება, ეს რთული პრობლემაა", - თქვა ლუის ენრიკემ.