ბუხრის მღებავი ტუსკი, ავტობუსის მძღოლი მადურო, ჩაის გამყიდველი ინდოეთის პრემიერი და სხვა - რას საქმიანობდნენ მსოფლიოს პირველი პირები პოლიტიკურ კარიერამდე?

როგორც აღმოჩნდა, ძალაუფლებისკენ მიმავალი გზა ყველასთვის სხვადასხვაგვარია. პოლიტიკური სისტემების საკვანძო ფიგურებმა კარიერა მოკრძალებული ან არატრადიციული პროფესიებით დაიწყეს - თუმცა ამას არ შეუძლია ხელი მიზნისკენ ევლოთ და საბოლოოდ, ქვეყნების მოქმედი ან ყოფილი მმართველებიც კი გახდნენ.

• ამჟამად მოქმედი და წარსული პირველი პირები პოლიტიკურ კარიერამდე რიგით მუშათა კლასს განეკუთვნებოდნენ და არ თაკილობდნენ ისეთ სამუშაოსაც კი, როგორიცაა ავტობუსის მართვა, ბუღალტერი, გამყიდველი და ა.შ.

მაგალითად, ვენესუელის ლიდერი ნიკოლას მადურო, რომლის მმართველობაც ქვეყანაში აშშ-ის სამხედრო ინტერვენციის შემდეგ დასრულდა, სანამ პოლიტიკაში ჩაერთვებოდა, კარაკასში ავტობუსის მძღოლად მუშაობდა.

2013 წელს, უგო ჩავესის გარდაცვალებიდან მალევე ნიკოლას მადურო, ეროვნულ ტელევიზიაში გამოჩნდა და განაცხადა, რომ მისი გარდაცვლილი პოლიტიკური მენტორი პაწაწინა მგალობელი ჩიტის სახით გამოეცხადა.

„მე ვიგრძენი მისი [ჩავესის] სული. ვიგრძენი, როგორ გვლოცავდა და გვეუბნებოდა: „დღეს ბრძოლა იწყება. წადით გამარჯვებისკენ, მიიღეთ ჩვენი კურთხევა“, - განუცხადა მადურომ მილიონობით მაყურებელს პირდაპირ ეთერში.

• ინდოეთის პრემიერ-მინისტრი ნარენდრა მოდი რკინიგზის სადგურზე ჩაის ყიდდა, სანამ თანამედროვე ინდოეთის პოლიტიის ერთ-ერთი მნიშვნელოვანი ფიგურა გახდებოდა.

ის საკმაოდ გაჭირვებულ ოჯახში გაიზარდა. ნარენდრა ბავში იყო, როდესაც რკინიგზის სადგურზე ჩაის ყიდდა, დედამისი კი ჭურჭელს რეცხავდა.

• ამერიკის შეერთებული შტატების მოქმედმა პრეზიდენტმა დონალდ ტრამპმა პოლიტიკაში მოსვლამდე კარიერა უძრავი ქონების სფეროში ააშენა.

მილიარდობით დოლარის ღირებულების საგვარეულო ბიზნესი ტრამპს ბაუისგან ერგო. პოლიტიკური კარიერის პარალელურად, ტრამპების დინასტია ფლობს უძრავი ქონების დიდ წილს აშშ-ში და სხვა ქვეყნებში.

• რუსეთის ფედერაციის პრეზიდენტის ვლადიმერ პუტინის პირველი სამსახური არავისთვისაა საიდუმლო.

პოლიტიკურ კარიერმადე ის 17 წლის განმავლობაში კგბ-ში, აგენტად მუშაობდა. სამსახური მოგვიანებით გაიყო ფედერალურ უშიშროების სამსახურად (ფსბ) და რუსეთის ფედერაციის საგარეო დაზვერვის სამსახურად (სვრ).

• ბრიტანეთის ყოფილი პრემიერ-მინისტრი ბორის ჯონსონი წარსულში სკანდალური ჟურნალისტი იყო.

ჯონსონმა ოქსფორდის უნივერსიტეტის დამთავრების შემდეგ მუშაობა The Times-ში დაიწყო, თუმცა ციტატის გაყალბების გამო გაათავისუფლეს.

მოგვიანებით ის The Daily Telegraph-თვის წერდა.

• ევროპის საბჭოს ყოფილი პრეზიდენტი, პოლონეთის პრემიერ-მინისტრი დონალდ ტუსკი ახალგაზრდობაში ბუხრის მღებავად მუშაობდა.

პოლიტიკით მას შემდეგ დაინტერესდა, რაც პოლიციის მიერ, გაფიცული მუშების დახვრეტას შეესწრო.

ტუსკი 1980 წელს შეუერთდა „სოლიდარობას“ და გახდა მოძრაობის ერთ-ერთი გამოჩენილი ინტელექტუალი. 1981 წელს საომარი მდგომარეობის დაწესების შემდეგ, დონალდ ტუსკი ბუხრების მღებავად მუშაობდა.

• უკრაინის პრეზიდენტი ვოლოდიმირ ზელენსკი პოლიტიკაში მოსვლამდე ცნობილი კომიკოსი იყო.

მან კომედიის თამაში 17 წლის ასაკში დაიწყო. 2015 წელს ითამაშა საკრალურ ტელესერიალში „ხალხის მსახური“, სადაც უკრაინის პრეზიდენტის როლს ასრულებდა. ოთხი წლის შემდეგ, 2019 წლის აპრილის არჩევნებში ის პრეზიდენტად აირჩიეს.

• იტალიის ყოფილი პრემიერ-მინისტრი სილვიო ბერლუსკონი 1950-იან წლებში კრუიზის მომღერალი იყო.

ახალგაზრდა სილვიო ხმელთაშუა ზღვაში, კოსტას საკრუიზო გემებზე მუშაობდა რათა მისი სწავლის საფასური გადაეხადა.

მოგვიანებით ბერლუსკონი აღნიშნავდა, რომ სცენაზე გამოსვლებმა “მას ასწავლა ყველაფერი საზოგადოებასთან შესახებ.“