დონალდ ტრამპის თქმით, ძალიან მოსწონს ნიკი მინაჟის გრძელი ფრჩხილები და აპირებს, თვითონაც გაიზარდოს
აშშ-ის პრეზიდენტი დონალდ ტრამპი ამბობს, რომ ძალიან მოსწონს ნიკი მინაჟის გრძელი ფრჩხილები და ამიტომ, ფრჩხილების გაზრდას აპირებს. აღსანიშნავია, რომ რეპერი პრეზიდენტის მხარდამჭერია და გასულ ოთხშაბათს ის "ტრამპის ანგარიშების სამიტსაც" დაესწრო.
- დონალდ ტრამპმა მინაჟი ისტორიაში ყველაზე "დიდ და წარმატებულ ქალ რეპერად“ მოიხსენია.
"ვაპირებ ფრჩხილები ასე გავიზარდო, ძალიან მომწონს ეს ფრჩხილები", - აღნიშნა ტრამპმა.
ღონისძიებაზე სიტყვით გამოსვლისას ნიკი მინაჟმა შეაქო ტრამპის ინიციატივა აშშ-ში დაბადებული ჩვილებისთვის საინვესტიციო ანგარიშების შექმნასთან დაკავშირებით. CNBC- ის ცნობით, მინაჟი ამ ანგარიშზე 150 000-დან 300 000 დოლარამდე თანხის შეტანას გეგმავს.
თითოეული ანგარიში გაიხსნება მთავრობის მიერ ერთჯერადი 1000 აშშ დოლარის საწყისი შენატანით, ანგარიშში ყოველწლიურად 5000 აშშ დოლარის შეტანა იქნება შესაძლებელი.
"ალბათ პრეზიდენტის ნომერ პირველი ფანი ვარ და ეს არ შეიცვლება. რასაც ხალხი ამბობს, საერთოდ არ მოქმედებს ჩემზე. პირიქით – კიდევ უფრო მეტ მოტივაციას მაძლევს, რომ მეტი მხარდაჭერა გამოვუცხადო მას. არც ცილისმწამებლურ კამპანიებს ექნება შედეგი. მის უკან დიდი ძალა დგას და ღმერთი იცავს", - თქვა ნიკი მინაჟმა.
- ბოლო თვეებში მინაჟი არ ერიდება ტრამპის ადმინისტრაციის ღია მხარდაჭერას. დეკემბერში მან არიზონაში გამართულ Turning Point USA-ის ღონისძიებაზე კიდევ ერთხელ შეაქო ტრამპი და მასთან ერთად ვიცე-პრეზიდენტი ჯეი დი ვენსი.
"ორივე მიყვარს. ორივეს აქვს საოცარი უნარი, იყოს ადამიანი, რომელთანაც მარტივად აიგივებ თავს.“ - განაცხადა მაშინ რეპერმა.