მინგის ოჯახის 11 წევრის შემდეგ, ჩინეთში მაფიოზური კლანის კიდევ 4 წევრი დასაჯეს სიკვდილით - რას წერს მედია
ჩინეთმა ბაის ოჯახის მაფიის ოთხი წევრი სიკვდილით დასაჯა - ოჯახი მიანმარში მოქმედ თაღლითურ ცენტრებს მართავდა. ინფორმაციას ჩინეთოს სახელმწიფო მედია ავრცელებს.
-
ისინი ოჯახის იმ 21 წევრს შორის იყვნენ, რომლებიც სასამართლომ თაღლითობასა და სხვა მძიმე დანაშაულებში დამნაშავედ ცნო.
გასულ კვირას, სამხრეთ-აღმოსავლეთ აზიაში მოქმედი თაღლითური ოპერაციების წინააღმდეგ ბრძოლის ფარგლებში, ჩინეთმა მინგის ოჯახის 11 წევრი დასაჯა სიკვდილით.
წლების განმავლობაში ბაისები, მინგები და სხვა ოჯახები მიანმარის სასაზღვრო ქალაქ ლაუკაინგს აკონტროლებდნენ, სადაც კაზინოებს და პროსტიტუციისთვის განკუთვნილ ადგილებს მართავდნენ, ამ ყველაფერს ემატებოდა კიბერთაღლითობაც.
ხელისუფლების ცნობით, ბაისები საკუთარ შეიარაღებულ დაჯგუფებას აკონტროლებდნენ და კიბერთაღლითობისა და კაზინოებისთვის 41 შენობა ჰქონდათ მოწყობილი. ამ ობიექტებში ძალადობა სისტემური იყო, ცემა და წამება კი - ჩვეულებრივი პრაქტიკა.