ლუპიტა ნიონგ'ო "ოდისეაში" ტროელი ელენას როლს შეასრულებს? - რა ინფორმაცია ვრცელდება კრისტოფერ ნოლანის ყველაზე ეპიკურ ფილმზე და ვის რა როლი აქვს?

ოსკაროსანი რეჟისორი, კრისტოფერ ნოლანი უკვე თვეებია ახალ ფილმზე, "ოდისეაზე" მუშაობს. დაანონსებულია, რომ კინოსურათი ბოლო წლებში გადაღებული ჰოლივუდური ნამუშევრებიდან ყველაზე მასშტაბური და ეპიკური იქნება. ფილმის პრემიერა მიმდინარე წლის 17 ივლისს არის დაგეგმილი.

• ნოლანმა გადაწყვიტა "ოდისეაში" ნამდვილი ვარსკვლავთცვენა მოეწყო. ოდისევსის როლს მეთ დეიმონი ასრულებს, ტელემაქეს ტომ ჰოლანდი, ენ ჰეთეუეი პენელოპეს როლს, ფილმში ასევე მონაწილეობენ რობერტ პატინსონი, შარლიზ ტერონი (კირკეს როლში), ლუპიტა ნიონგ'ო, ზენდაია (შესაძლოა, ათენას როლში ვიხილოთ) და სხვები.

ჯერ დაზუსტებით ცნობილი არ არის, თუმცა მედიაში გავრცელდა ინფორმაცია, რომ ლუპიტა ნიონგ'ო ტროელი ელენას როლს შეასრულებს.

ოფიციალურად ეს ინფორმაცია ჯერჯერობით დაზუსტებული არ არის, თუმცა საზოგადოების დიდი ნაწილი ნოლანს უკვე აკრიტიკებს და თვლიან, რომ თუკი მართალი აღმოჩნდება და ლუპიტა მართლაც ელენას როლში იქნება, ეს ფილმის მომლოდინე ადამიანებს იმედგაცრუებულს დატოვებს.

კრისტოფერ ნოლანი გააკრიტიკა ილონ მასკმაც. მან X-ზე გააზიარა პოსტი, სადაც გამოქვეყნებული ინფორმაცია იმის შესახებ, რომ ელენას როლს ლუპიტა ასრულებს.

• “კრის ნოლანმა თავისი პრინციპები დაკარგა“, - წერს ილონ მასკი

"ოდისეას" ბიუჯეტი 250 მილიონი დოლარია და ის კრისტოფერ ნოლანის ყველაზე ძვირადღირებული ფილმია. გადაღებები მაროკოში, იტალიაში, საბერძნეთსა და დიდ ბრიტანეთში მიმდინარეობს.

კინოკრიტიკოსების შეფასებით, თუ ეს ინფორმაცია დადასტურდა და მშვენიერი ელენას როლში მართლაც ლუპიტა ვიხილეთ, როგორც მსახიობი, ასევე რეჟისორი დიდი გამოწვევის და კრიტიკის წინაშე აღმოჩნდებიან.

წყარო