საფრანგეთში, მასკის სოციალური მედიაპლატფორმა X-ის ოფისებში  ჩხრეკა ჩატარდა.- რას რას იძიებენ ფრანგი სამართალდამცველები

პარიზში, ილონ მასკის სოციალური მედიაპლატფორმის, X-ის ოფისებში ჩხრეკა ჩატარდა.

• ოფიციალური ინფორმაციით, ჩხრეკას პარიზის პროკურატურის კიბერდანაშაულის წინააღმდეგ ბრძოლის განყოფილება ხელმძღვანელობს.

პროკურატურის განცხადებით, ჩხრეკა დაკავშირებულია 2025 წლის იანვარში დაწყებულ გამოძიებასთან, რომელიც X-ის ალგორითმისა და მის მიერ რეკომენდებული კონტენტის შესახებ საჩივრების შემდეგ დაიწყო.

• X-ს ჯერ ამ თემაზე კომენტარი არ გაუკეთებია, თუმცა მაშინ როცა გამოძიება დაიწყო, ამას "სიტყვის თავისუფლებაზე თავდასხმა" უწოდეს.

საფრანგეთის პროკურატურის განცხადებით, ჩხრეკის ოპერაცია საფრანგეთის კანონმდებლობის დაცვის უზრუნველყოფის ნაწილი იყო.

მათივე ინფორმაციით, გამოძიება 2025 წლის ივლისში გაფართოვდა პლატფორმაზე სექსუალური ხასიათის კონტენტის, ყალბი ინფორმაციის და ჰოლოკოსტის უარყოფის შესახებ ცნობების გავრცელების შემდეგ.