"ბედნიერი ვარ, რომ ახლა ამ უბედურებისგან შორს ვარ" - რას ამბობს მელინდა გეითსი ეპშტეინის ფაილებში მისი ყოფილი ქმრის შესახებ არსებულ ბრალდებებზე
მელინდა გეითსი ჯეფრი ეპშტეინის ფაილებში ყოფილ ქმრის, ბილ გეითსთან დაკავშირებით არსებულ ბრალდებებზე საუბრობს და ამბობს, რომ ახალი ფაილების გამოქვეყნებამ "ქორწინების მტკივნეული პერიოდი" გაახსენა.
- ამის შესახებ მელინდა გეითსმა NPR პოდკასტში ისაუბრა. მისი თქმით, არსებული ბრალდებების გამო "წარმოუდგენლად დამწუხრებულია". მელინდა გეითსის თქმით, ჩანაწერებში დასახელებულმა პირებმა და მათ შორის, მისმა ყოფილმა ქმარმა, ბრალდებებს პასუხი უნდა გასცენ.
"ძალიან ბედნიერი ვარ, რომ ახლა ყველა ამ უბედურებისგან შორს ვარ", - დასძენს მელინდა გეითსი, რომელიც ქმარს 27-წლიანი ქორწინების შემდეგ, 2021 წელს დაშორდა.
- აშშ-ის იუსტიციის დეპარტამენტის მიერ გამოქვეყნებული ჩანაწერებიდან ჩანს, რომ ბილ გეითსს სქესობრივი გზით გადამდები დაავადება დაუდგინდა. ამის შესახებ ერთ-ერთ ელექტრონულ შეტყობინებაში თავად ჯეფრი ეპშტეინი საუბრობს. ბილ გეითსი კი ამ ბრალდებებს "აბსოლუტურად აბსურდულს" უწოდებს.
"ეს ბრალდებები აბსოლუტურად აბსურდულია, სრული სიცრუეა", -ამბობს ბილ გეითსის წარმომადგენელი BBC-სთან აღნიშნული თემის კომენტირებისას..მისივე თქმით ბილ გეითსს არც ერთი მსხვერპლი არ ადანაშაულებს და მისი სახელის მოხსენიება ფაილებში რაიმე სახის დანაშაულებრივ საქმიანობას არ გულისხმობს.
ამერიკული მედიის ცნობით, ქმართან დაშორებამდე მელინდა გეითსი მუდმივად უკმაყოფილო იყო ქმრის კავშირით ჯეფრი ეპშტეინთან. მელინდასა და ბილის და შორების შემდეგ, ბილ გეითსმა აღიარა, რომ 2019 წელს Microsoft-ის თანამშრომელთან ჰქონდა რომანი.
გეითსი წლებია ამტკიცებს, რომ მას არ ჰქონია ახლო ურთიერთობა ჰეფრი ეპშტეინთან და მხოლოდ "რამდენიმე ვახშამი" აკავშირებდათ, რა დროსაც განიხილავდნენ საქველმოქმედო პროექტის განხორციელებას, თუმცა ეს პროექტი ვერ შედგა.