ცოლ-ქმარი მაღაზიაში ავეჯის საყიდლად შევიდა, კონფლიქტი იქ წამოიწყეს - გარდაბანში ქმარმა ცოლი მოკლა: რა დეტალებია ცნობილი
გარდაბანში ქმარმა ცოლი მოკლა. Ambebi.ge-ს ინფორმაციით, მკვლელობა დღეს, გარდაბანში მდებარე ერთ-ერთ ავეჯის მაღაზიაში მოხდა.
როგორც Ambebi.ge-ს წყარო უყვება, ცოლ-ქმარი მაღაზიაში ავეჯის საყიდლად შევიდა, ისინი ვერ შეთანხმდნენ, და კონფლიქტი წამოიწყეს.
"ჯერ კარადების ფერზე დაუწყიათ ჩხუბი, მერე ამ გოგოს უთქვამს, მაინც უნდა გაგშორდე და სახლი როგორც მინდა, ისე უნდა მოვაწყოო", - გვეუბნება წყარო. მისივე ცნობით, მამაკაცმა ჯიბიდან დასაკეცი დანა ამოიღო და ცოლს მრავლობითი ჭრილობები მიაყენა. ქალი ადგილზე გარდაიცვალა.
წყაროს თქმით, ამ დროს მამაკაცმა ჯიბიდან დასაკეცი დანა ამოიღო და ცოლს მრავლობითი ჭრილობები მიაყენა.
ქალი ადგილზე გარდაიცვალა. არსებული ინფორმაციით, ქალი 25 წლის იყო.
გამოძიება 11 პრიმა 109-ე მუხლის კ ქვეპუნქტით მიმდინარეობს, რაც დამამძიმებელ გარემოებებში ოჯახის წევრის განზრახ მკვლელობას გულისხმობს. ბრალდებული პოლიციაში თავად გამოცხადდა და აღიარებითი ჩვენება მისცა.