“აშშ-ში რელიგია დაბრუნდა“ - დონალდ ტრამპმა 2026 წლის 17 მაისი ეროვნული ლოცვის დღედ გამოაცხადა და მოსახლეობას საყოველთაო ლოცვისკენ მოუწოდა

აშშ-ის პრეზიდენტმა დონალდ ტრამპმა 17 მაისი ლოცვის დღედ გამოაცხადა. washingtontimes-ის ინფორმაციით, ამის შესახებ ტრამპმა ხუთშაბათს განაცხადა და თავის სიტყვაში აღნიშნა, რომ COVID პანდემიის გამო, ეკლესიების დახურვისა და რელიგიურ ინსტიტუტებზე მემარცხენეების თავდასხმების გამო, წლების შემდეგ აშშ-ში „რელიგია დაბრუნდა“.

“დღეს, როდესაც ჩვენ შევიკრიბეთ, ბევრი ნიშანია იმისა, რომ რელიგია ბრუნდება... ეკლესიები ივსება. ორი წლის განმავლობაში ასე არ ყოფილა. COVID-მა ეკლესიები დააზარალა, დემოკრატები საშინლად მოგექცნენ“, - განაცხადა ტრამპმა ვაშინგტონ ჰილტონში გამართულ ეროვნულ ლოცვის საუზმეზე.

• ამასთან, მისივე თქმით, წელს „ამერიკა 250“-ის ღონისძიების აღნიშვნის ფარგლებში, 17 მაისს ეროვნულ მოედანზე ლოცვის დღე გაიმართება, რომლის დროსაც სხვადასხვა სარწმუნოების წარმომადგენლები სალოცავად შეიკრიბებიან.

“2026 წლის 17 მაისს ჩვენ ვიწვევთ ამერიკელებს მთელი ქვეყნის მასშტაბით, შეიკრიბონ ჩვენს ეროვნულ მოედანზე ლოცვისთვის, მადლიერების გამოსახატავად…“,- განაცხადა ტრამპმა.

წყარო