იჩქარეთ! აქცია "გადაიხადე რამდენიც გინდა" წიგნების ამოწურვამდე გაგრძელდება – დაუჭირე მხარი ნიკო არდოტელს
გამომცემლობა „პალიტრა L-ის“ ტრადიციული საქველმოქმედო კამპანია „გადაიხადე რამდენიც გინდა“ გადამწყვეტ ფაზაში შედის. აქცია, რომელიც 30 იანვარს დაიწყო, მიზნად ისახავს პირიქითა ხევსურეთის ერთ-ერთი ყველაზე დაცარიელებული სოფლის, არდოტის მცველის, ნიკო არდოტელისა და მისი ოჯახის დახმარებას.
რატომ ვეხმარებით ნიკო არდოტელს?
ნიკო არდოტელი (მურღვა) ის ადამიანია, რომელიც 23 წლის განმავლობაში მუცოს სექტორზე საქართველოს საზღვარს იცავდა. დღეს იგი მეუღლესთან, მარინა დაიაურთან ერთად, არდოტის ისტორიული ციხე-სოფლის ერთადერთი მუდმივი მცხოვრებია.
ოქტომბრიდან აპრილამდე ოჯახი გარე სამყაროს სრულიად მოწყვეტილია. აქაურობა იმდენად მიუვალია, რომ ცუდ ამინდში შვეულმფრენიც კი ვერ ახერხებს დახმარებას. ნიკოს ოჯახს არ გააჩნია ელემენტარული საყოფაცხოვრებო პირობები: არ აქვთ ცხელი წყალი და გამართული ელექტროენერგია. ზამთრის მკაცრ ყინვაში მარინა დაიაურს სარეცხის რეცხვა გარეთ, ტაშტში უწევს, რაც ნიკოსთვის ყველაზე დიდი ტკივილია: „მთაში ცხელი წყალი და ელემენტარული გაყვანილობა ფუფუნებაა, რომელიც ჩვენ არ გაგვაჩნია“.
აქციით შეგროვილი თანხა სწორედ ამ პრობლემების მოგვარებას – მზის პანელების დამონტაჟებასა და წყლის სისტემის მოწყობას მოხმარდება.
წიგნები, რომელთა შეძენაც თქვენთვის სასურველ ფასად შეგიძლიათ:
აქციის ფარგლებში მკითხველს საშუალება აქვს, თავად დააწესოს ფასი სამ გამორჩეულ გამოცემაზე:
- დეიმონ გალგუტი – „პირობა“: ბუკერის პრემიის ლაურეატი რომანი, რომელიც ოჯახურ დრამასა და სოციალურ ცვლილებებზე გვიამბობს.
- თეონა დოლენჯაშვილი – „ექსპედიცია“: თანამედროვე ქართული პროზის გამორჩეული ნიმუში.
- მარიამ წიკლაური – „ჩვენი სახლი“: ემოციური და ღრმა ნაწარმოები, რომელიც სახლისა და ფესვების მნიშვნელობაზე დაგაფიქრებთ.
წიგნები ხელმისაწვდომია „ბიბლუსის“ ფილიალებში მთელი საქართველოს მასშტაბით.
ერთ მომხმარებელს შეუძლია მაქსიმუმ 3 წიგნის შეძენა.
- 10 ლარამდე გადახდილი თანხის 10% მოხმარდება ქველმოქმედებას.
- 10 ლარზე მეტი გადახდილი თანხა კი სრულად (100%) გადაერიცხება ნიკო არდოტელს.
აქცია გაგრძელდება წიგნების მარაგის ამოწურვამდე.
იჩქარეთ, შეიძინეთ წიგნი თქვენთვის სასურველ ფასად და გახდით არდოტის გადარჩენის მონაწილე!
R