ვენესუელელი ოპოზიციონერი ციხიდან გაათავისუფლეს, რამდენიმე საათში კი გაიტაცეს - "შეიარაღებული მამაკაცები ოთხი მანქანით მივიდნენ, იარაღი მიაბჯინეს და..."
ვენესუელელი ოპოზიციონერი, ხუან პაბლო გუანიპა ციხიდან გათავისუფლების შემდეგ, რამდენიმე საათში გაიტაცეს. ამის შესახებ ვენესუელის ოპოზიციის ლიდერი, მარინა კორინა მაჩადო აცხადებს.
-
როგორც მაჩადო ამბობს,პარტია "სამართლიანობა უპირველეს ყოვლისას" ლიდერი დედაქალაქ კარაკასის ლოს ჩოროსის უბნიდან გაიტაცეს.
"სამოქალაქო ტანსაცმელში ჩაცმული, მძიმედ შეიარაღებული მამაკაცები ოთხი მანქანით მივიდნენ და ძალით წაიყვანეს“, - წერს მარინა კორინა მაჩადო სოციალურ ქსელში.
- ეროვნული ასამბლეის ყოფილმა ვიცე-პრეზიდენტმა გუანიპამ რვა თვე გაატარა ციხეში. ის მას შემდეგ გაათავისუფლეს, რაც აშშ-მა ვენესუელის პრეზიდენტი, ნიკოლას მადურო დააკავა.
გუანიპას პარტიაში აცხადებენ, რომ მათი ლიდერი "დიქტატურის რეპრესიულმა ძალებმა გაიტაცეს. თვითმხილველების თქმით, შეიარაღებულმა პირებმა ოპოზიციონერ პოლიტიკოსს იარაღი მიაბჯინეს და ძალის გამოყენებით "ავტომობილში ჩატენეს".
პარტიამ მოუწოდა საერთაშორისო საზოგადოებას, მოითხოვოს გუანიპას "დაუყოვნებლივ გათავისუფლება“ და ვენესუელის მთავრობის მიერ "ოპოზიციის დევნის“ დასრულება.
ცნობისთვის გუანიპა იმ 30 პოლიტპატიმარს შორის იყო, რომლებიც გასულ კვირას გაათავისუფლეს.
- პარტია "სამართლიანობა უპირველეს ყოვლისა“-ს ლიდერი 2017 წელს ზულიას რეგიონის გუბერნატორად აირჩიეს, თუმცა თანამდებობის დაკავება მადუროს ეროვნული დამფუძნებელი კრების წინაშე ფიცის დადებაზე უარის თქმის შემდეგ აუკრძალეს.
გუანიპა 2024 წლის არჩევნების შედეგების გასაჩივრების გამო, ტერორიზმსა და ღალატში დაადანაშაულეს და ის იმალებოდა, თუმცა 2025 წლის მაისში იპოვეს და დააკავეს.
ნახეთ ასევე: