ამერიკელი მოთხილამურე ზამთრის ოლიმპიურ თამაშებზე მძიმედ დაშავდა - ის ვერტმფრენით გადაიყვანეს
ამერიკელი მოთხილამურე, ოლიმპიური ჩემპიონი ლინდსი ვონი მიმდინარე ოლიმპიურ თამაშებზე მძიმედ დაშავდა.
- კვირას, იტალიის ქალაქ კორტინა-დ'ამპეცოში გამართულ ზამთრის ოლიმპიურ თამაშებზე ოქროს მედლისთვის იბრძოდა - ოლიმპიადაზე ვონი დაშვებიდან რამდენიმე წამში დროშას გამოედო. ის მძიმედ დაშავდა. სპორტსმენი კლინიკაში ვერტმფრენით გადაიყვანეს.
გაირკვა, რომ მას მარცხენა ფეხის მოტეხილობა აქვს, რის გამოც ოპერაცია ჩაუტარდა. აღსანიშნავია, რომ მას ამავე ფეხზე ჰქონდა უმძიმესი ტრავმა ოლიმპიურ თამაშებამდე.
- აშშ-ის მოთხილამურეთა და სნოუბორდის გუნდის განცხადებით, მოთხილამურე საავადმყოფოში "სტაბილურ მდგომარეობაშია“ და მას ადგილობრივი და ამერიკელი ექიმები მკურნალობენ.
"ეს ნამდვილად უკანასკნელი რამ იყო, რისი ნახვაც გვინდოდა. ყველაფერი ძალიან სწრაფად მოხდა. საშინელება იყო. როდესაც საკაცეების გამოტანას იწყებენ", - ამბობს ვონის და, კარინ კილდოუ.
ცნობისთვის, 41 წლის ამერიკელი სპორტსმენი ოლიმპიადაზე ტრავმირებული ასპარეზობდა. მან მუხლი მძიმედ დაიზიანა იანვარში, შვეიცარიაში, თუმცა ზამთრის ოლიმპიურ თამაშებზე გამოსვლა მაინც გადაწყვიტა.