სამგზავრო თვითმფრინავი დროზე ადრე დაეშვა მას შემდეგ, რაც ბორტზე მყოფმა ბავშვმა Wi-Fi-ის სახელი “ტერორისტად“ გადააკეთა - დეტალები
ისრაელის საჰაერო ძალებმა სასწრაფოდ გადაწყვიტეს სამგზავრო თვითმფრინავი უსაფრთხო ადგილას დაესვათ, მას შემდეგ რაც ბავშვმა მშობლების ტელეფონის Wi-Fi-ის სახელი სიტყვა „ტერორისტი“-ით შეცვალა.
- Wizz Air-ის თვითმფრინავი, რეისი W95301, კვირას შუადღისას ლონდონის ლუტონის აეროპორტიდან ბენ გურიონის აეროპორტისკენ მიფრინავდა, როდესაც ერთ-ერთმა მგზავრმა, სავარაუდოდ, ტელეფონზე „მუქარის შემცველი შეტყობინება“ მიიღო.
სავარაუდოდ, შეტყობინება Wi-Fi-ის ცხელი წერტილის სახელი იყო, რომელიც ბავშვმა სიტყვით „ტერორისტი“ შეცვალა, რასაც პანიკა მოჰყვა. FlightRadar-ის მონაცემებით, თვითმფრინავმა ისრაელში დაშვებამდე კვიპროსის სამხრეთით, ხმელთაშუა ზღვის თავზე სამი წრე შეასრულა.
ისრაელის აეროპორტების ადმინისტრაციის წარმომადგენელმა „Times of Israel“-ს განუცხადა: „თვითმფრინავი დაეშვა და დადგინდა, რომ რეალურ ინციდენტს ადგილი არ ჰქონია“.
ბენ გურიონის აეროპორტში რეისების დროებითი შეჩერების შემდეგ, საჰაერო მიმოსვლა აღდგა.