მეცნიერებმა ვენერაზე გამოქვაბული აღმოაჩინეს - რა ცოდნას გვაძლევს აღმოჩენა პლანეტის შესახებ?
მეცნიერებმა ვენერას ზედაპირის ქვეშ გამოქვაბული აღმოაჩინეს - ადგილი, რომელიც შესაძლოა ამ იდუმალი პლანეტის შესახებ მნიშვნელოვან მინიშნებებს ინახავდეს. მკვლევართა მტკიცებით, ეს "ვულკანური ლავის მილი" უნდა იყოს.
- ჩვენ უკვე ვიცით, რომ ვულკანური აქტივობა დედამიწისთვის იშვიათი არ არის. ასევე, ცნობილია, რომ ლავური მილები მთვარესა და მარსზეც აღმოაჩინეს. ახლა, მაგრამ ვენერაზე მსგავსი აღმოჩენა პირველია.
ლავური მილების პოვნა მარტივი არაა - მათი დანახვა მხოლოდ იმ შემთხვევაშია შესაძლებელი, როცა ზედა ნაწილი ჩაინგრევა და ერთგვარი ორმო წარმოიქმნება. ვენერაზე მისი აღმოჩენა კიდევ უფრო საოცარია, რადგან პლანეტა სქელი ღრუბლებით არის დაფარული.
"ვენერას შესახებ ჩვენი ცოდნა ჯერ კიდევ შეზღუდულია, აქამდე არ შეგვეძლო, დეტალურად შეგვესწავლა პლანეტის ზედაპირის ქვეშ მიმდინარე პროცესები.
ამიტომ, ვულკანური გამოქვაბულის იდენტიფიკაციას განსაკუთრებული მნიშვნელობა აქვს: ის საშუალებას გვაძლევს, დავადასტუროთ თეორიები, რომლებიც მრავალი წლის განმავლობაში მხოლოდ ჰიპოთეზებად რჩებოდა. ეს აღმოჩენა ვენერას ევოლუციის პროცესების უკეთ გაგებაშიდაგვეხმარება", - განმარტა კვლევის კოორდინატორმა, პროფესორმა ლორენცო ბრუცონემ.
NASA და ევროპის კოსმოსური სააგენტო ვენერაზე კიდევ ორ მისიას გეგმავენ .ექსპერტები იმედოვნებენ, რომ ახალი, მაღალი გარჩევადობის სურათები და მონაცემები მათ პლანეტის შესახებ უფრო ფართო სურათის შექმნაში დაეხმარება.