ანჯელინა ჯოლი პარიზში, ფილმის პრემიერაზე - გამჭვირვალე კაბა, მაქმანებით და უძვირფასესი სამკაული: 50 წლის ჯოლის ახალი ფოტოები

პარიზში, ფილმ "Coutures“-ის პრემიერაზე, ანჯელინა ჯოლიმ და მისმა ფრანგმა პარტნიორმა, ლუი გარელმა, ნამდვილი ფურორი მოახდინეს.

50 წლის ვარსკვლავი წითელ ხალიჩაზე Givenchy-ს თვალისმომჭრელი, ნახევრად გამჭვირვალე ვერცხლისფერი კაბით გამოჩნდა, რომელმაც მედიის განსაკუთრებული ყურადღება მიიპყრო.

• როლი, რომელიც მის ცხოვრებას ჰგავს

ფილმში ჯოლი ასრულებს ამერიკელი რეჟისორის როლს, რომელსაც პარიზის მოდის კვირეულის დროს მკერდის კიბოს დიაგნოზს უსვამენ.

ეს თემა მსახიობისთვის ძალიან პირადულია: 2013 წელს მან პრევენციული ორმაგი მასტექტომია (მკერდის მოკვეთა) ჩაიტარა.

ფრანგული მედია წერს, რომ გამჭვირვალე კაბაში, ყვავილების ორნამენტებს შორის, შესაძლოა სწორედ ამ ოპერაციის შემდგომი ნაწიბურებიც ჩანდა - ეს იყო მსახიობის გაბედული ჟესტი სხეულის მიმღებლობასა და დაავადებასთან ბრძოლაზე.

"ეს ჩემთვის ძალიან პირადულია"

პრემიერაზე ჯოლი თავის ეკრანულ პარტნიორთან, ლუი გარელთან და ვინსენტ ლინდონთან ერთად პოზირებდა. მსახიობთა სამეული კარგ განწყობაზე იყო და ფოტოგრაფების წინ მხიარულად საუბრობდნენ.

ჯოლიმ ფილმზე საუბრისას აღნიშნა:

"ქალთა ჯანმრთელობა და ეს დაავადება ჩემთვის ძალიან პირადულია. ეს ფილმი არ არის იმაზე, რომ დაჯდე და გადაწყვიტო, რომ ცხოვრება დასრულდა. პირიქით, ეს არის ფილმი იმაზე, თუ როგორ უნდა გააგრძელო ცხოვრება ასეთ დროს.“

• ჯოლის ამშვენებდა Garatti-ს ექსკლუზიური სამკაულები - 15-კარატიანი მწვანე ბრილიანტის ბეჭედი და შესაბამისი საყურე. საინტერესოა, რომ პრემიერის დასრულებისთანავე, მსახიობმა მდიდრული კაბა უფრო მოხერხებული, სადა შავი კოსტიუმით შეცვალა და სასტუმროში ისე დაბრუნდა.

ანჯელინა ჯოლის დედა, მარშელინ ბერტრანი, 2007 წელს კიბოს შედეგად გარდაიცვალა, რამაც საფუძველი ჩაუყარა ანჯელინას მრავალწლიან ბრძოლას ამ დაავადების პრევენციისა და ქალთა ინფორმირებულობისთვის.