ძარცვა იტალიაში ჰოლივუდის სცენარით - "შეიარაღებულმა ბანდამ მაგისტრალი საომარ ზონად აქცია": რა კადრები ვრცელდება მედიაში

სამხრეთ იტალიაში, ავტომაგისტრალზე გადაადგილების დროს შეიარაღებული პირები ინკასაციის მანქანას დაესხნენ თავს.

The-Sun-ის ინფორმაციით, "შეიარაღებულმა ბანდამ იტალიის მთავარი მაგისტრალი საომარ ზონად აქცია". ააფეთქეს ჯავშანტრანსპორტიორი, დაწვეს მანქანა და გადაკეტეს საავტომობილო მოძრაობა.

• ადგილზე მისულ პოლიციის ეკიპაჟებს, თავდამსხმელებმა ცეცხლი გაუხსნეს.

ინტერნეტში მობილური ტელეფონით გადაღებული ვიდეო ვრცელდება. აფეთქება და სროლა 613-e სახელმწიფო გზატკეცილზე მოხდა.

ჯავშანმანქანაs ჩასაფრება მოუწყო 6-დან 10-მდე შეიარაღებულმა, ნიღბიანმა ჯგუფმა. ზოგიერთი მათგანი პოლიციელად ასაღებდა თავს და იყენებდა მოციმციმე ლურჯი შუქებით მომუშავე მანქანებს.

მათ გზის პირას სატვირთო მანქანა და ფურგონი განათავსეს, რის შემდეგაც საინკასაციო ავტომობილის მძღოლს ავტომობილის გაჩერება აიძულეს.

მძარცველებმა გზა “ცეცხლის კედლით“ გადაკეტეს.

დაკავებულია 2 თავდამსხმელი, ნაწილმა გაქცევა მოახერხა.

სამართალდამცველები ვარაუდობენ, რომ დანაშაული სამხედრო გამოცდილების მქონე პირებმა დაგეგმეს და განახორციელეს. უცნობია მოახერხეს თუ არა გაქცეულებმა თანხის წაღება.

წყარო