10 გარდაცვლილი და 25 დაშავებული - თავდასხმა კანადის სკოლაში: რა დეტალებზე წერს მედია

კანადის ბრიტანეთის კოლუმბიის პროვინციაში, ტამბლერ რიჯის საშუალო სკოლაში მომხდარი სროლის შედეგად 10 ადამიანი დაიღუპა და 25-ზე მეტი დაშავდა, - ინფორმაციას მედია საშუალებები კანადის პოლიციაზე დაყრდნობით ავრცელებენ.

• მათივე ინფორმაციით, დაღუპულთა შორისაა თავდამსხმელიც.

სამართალდამცველთა თქმით, გამოძიების ინტერესებიდან გამომდინარე, თავდამსხმელის შესახებ დეტალებს ჯერჯერობით არ გაასაჯაროებენ.

პოლიცია კომენტარს არც შესაძლო მოტივზე აკეთებს.

კანადის პრემიერ-მინისტრის მარკ კარნის განცხადებით, მომხდარის გამო განადგურებულია.

"კრიზისში გაერთიანების ჩვენი უნარი ჩვენი ქვეყნის საუკეთესო მხარეა - ჩვენი ემპათია, ჩვენი ერთიანობა და ერთმანეთის მიმართ თანაგრძნობა“, - აღნიშნა პრემიერმა.

მარკ კარნის ოფისის ინფორმაციით, პრემიერმა მიუნხენის უსაფრთხოების კონფერენციაზე დასასწრებად ოთხშაბათს გერმანიაში გამგზავრების გეგმა შეაჩერა.