თურქეთში მძარცველი სამკაულების მაღაზიაში შეიჭრა, 150 გრამი ოქრო მოიპარა და ადგილიდან ვირზე ამხედრებული გაიქცა - სათვალთვალო კამერის ჩანაწერები
თურქეთში, ქალაქ კაისერში, საიუველირო მაღაზიაში დამონტაჟებულმა სათვალთვალო კამერებმა ძარცვის უცნაური შემთხვევა გადაიღეს.
- როგორც კადრებში ჩანს, ღამის საათებში მამაკაცი მიდის სამკაულის მაღაზიასთან, შეიჭრება მაღაზიაში, იპარავს ოქროს ნაკეთობებს და ადგილიდან ვირზე ამხედრებული გარბის, რომელიც მას გარეთ ელოდებოდა.
მედიის ინფორმაციით, მას შემდეგ რაც ეჭვმიტანილმა ძვირფასი ნივთებით სავსე კარადა გადააბრუნა , დაახლოებით 150 გრ ოქრო წაიღო. შემდეგ კი საჩქაროდ დატოვა ადგილი.
მამაკაცი მოგვიანებით დააკავეს. პოლიციამ მოპარული ოქრო მიწაში დამარხული იპოვა.
ეჭვმიტანილის ვინაობა არ სახელდება, თუმცა ცნობილია რომ ის 26 წლის მამაკაცია.