ავიაკატასტროფა ტეხასში, გარდაცვლილები და სასწაულებრივად გადარჩენილი პატარა ძაღლი - "საოცარია, რომ ის სრულიად უვნებელია"

მედიაში გავრცელებული ინფორმაციით, ტეხასში მცირე ზომის თვითმფრინავის ჩამოვარდნას პილოტისა და მისი მეუღლის სიცოცხლე შეეწირა, თუმცა ტრაგედიას მათი პატარა ძაღლი სასწაულებრივად გადაურჩა.

• არსებული ინფორმაციით, Beechcraft A36 მოდელის თვითმფრინავი ბრაუნსბოროს მახლობლად ავარიულად ეშვებოდა, დაბინძურებული საქარე მინის გამო ელექტროგადამცემ ხაზს შეეჯახა და დასახლებულ პუნქტთან ახლოს ჩამოვარდა.

წყვილმა კატასტროფამდე ცოტა ხნით ადრე შეტყობინება გადასცა, რომ ავარიულ დაშვებას აპირებდნენ და სავარაუდოდ, თვითმფრინავი სწორედ ამ დროს შეეჯახა ხაზს.

ფედერალური საავიაციო ადმინისტრაციის ანგარიშის მიხედვით, ავარიული დაჯდომის მცდელობის მიზეზად დაბინძურებული საქარე მინა დასახელდა.

წყვილის პატარა ლაპდოგი, რომელიც თვითმფრინავში იმყოფებოდა, ავიაკატასტროფა სრულიად უვნებელი გადაურჩა.

ძაღლი მოსავლელად იმ მეზობლებმა აიყვანეს, რომელთა სახლების წინაც თვითმფრინავი ჩამოვარდა.

წყარო