თავდასხმა აშშ-ში ჰოკეის მატჩის დროს, არიან გარდაცვლილები და დაშავებულები: "კაცმა ცოლსა და შვილებს ცეცხლი გაუხსნა" - რა დეტალებზე წერს მედია
აშშ-ში. როდ-აილენდში, ჰოკეის მატჩის მიმდინარეობისას, შეიარაღებულმა პირმა ცეცხლი გახსნა. შედეგად ორი ადამიანი დაიღუპა და რამდენიმე დაშავდა.
მსხვერპლთაგან ერთი ადგილზე დაიღუპა, ხოლო მეორე კლინიკაში გადაყვანის შემდეგ. დაშავებულებიდან სამის მდგომარეობა კრიტიკულად მძიმეა.
- ოფიციალური პირების ინფორმაციით, გარდაცვლილია თავად თავდამსხმელიც.
თავდამსხმელი 1969 წელს დაბადებული რობერტ დორგანია. სამართალდამცავთა წყაროების ცნობით, თავდასხმა ოჯახური ძალადობის შემთხვევას უკავშირდება. წყარომ Fox News-ს განუცხადა, რომ მსროლელმა ცეცხლი გაუხსნა მეუღლესა და სამ შვილს, შემდეგ კი თავი მოიკლა.
გამოცემის ცნობით, თავდამსხმელს ერთ-ერთმა თვითმხილველმა იარაღი გამოსტაცა, თუმცა მან სხვა იარაღი ამოიღო.
"აქ, მოედანზე, კუთხეში ვიჯექი და ფოტოებს ვიღებდი. უეცრად, სროლის ხმა გავიგონე, თავდაპირველად ფეიერვერკი მეგონა.
ზუსტად არ დამითვლია, მაგრამ ალბათ შვიდჯერ ან რვაჯერ გაისროლეს", - განუცხადა ჩიპ დელორენცომ The Providence Journal-ს.
