რუსეთი საქართველოს "შედარებით მეგობრულ" ქვეყნად მიიჩნევს - საქართველოს რეიტინგმა რუსეთის მეგობრული ქვეყნების სიაში მოიმატა
რუსეთი საქართველოს "შედარებით მეგობრულ“ ქვეყნად მიიჩნევს, - ამის შესახებ ნათქვამია რუსეთის კომუნიკაციების განვითარების ეროვნული კვლევითი ინსტიტუტის მონაცემებში, რომელმაც შესაბამისი სია შეადგინა.
- ინსტიტუტმა გამოაქვეყნა 2025 წლის რეიტინგი "პოსტსაბჭოთა ქვეყნების საკომუნიკაციო რეჟიმების მეგობრულობის“ შესახებ.
2024 წელს საქართველოს რეიტინგი 15 ქულით იყო შეფასებული, ხოლო 2025 წლისთვის 19,4 ქულამდე გაიზარდა და ამ მონაცემებით "შედარებით მეგობრული" ქვეყნების სიაში შევიდა.
რუსეთის ფედერაციისთვის ყველაზე მეგობრული "ქვეყნებია" საქართველოს ოკუპირებული ტერიტორიები - ცხინვალის რეგიონი და აფხაზეთი. შემდეგ მოდიან ბელარუსი, ყირგიზეთი, ყაზახეთი, ტაჯიკეთი და უზბეკეთი.
რუსეთის არამეგობრული ქვეყნების სიაში მოწინავე ადგილს იკავებენ მოლდოვა, ლიეტუვა, ლატვია, ესტონეთი და უკრაინა.