“კარლოტამ მასწავლა, რომ ჩოგბურთი ყველაზე მნიშვნელოვანი არ არის...“ - რას ამბობს ნიკოლოზ ბასილაშვილი საცოლეზე?

ქართველმა ჩოგბურთელმა ნიკოლოზ ბასილაშვილმა "რუსთავი 2"- თან“ ექსკლუზიურ ინტერვიუში მისი რჩეულის, კარლოტა ელენას შესახებ ისაუბრა და აღნიშნა, რომ მატჩებისთვის ძრითადად მასთან ერთად ემზადება.

• ცოტა ხნის წინ წყვილი დაინიშნა. საზეიმო ფოტოები კარლოტამ თავის "ინსტაგრამზე" გამოაქვეყნა და უამრავი მილოცვებიც მიიღეს.

“ჩვენი გაცნობიდან მოყოლებული, კარლოტამ ძალიან დიდი როლი ითამაშა ჩემს კარიერაში. თავადაც ჩოგბურთს თამაშობს. ჩვენ ყოველთვის ერთად ვემზადებით ხოლმე ტურნირების დროს. მან ზოგადად მასწავლა, რომ ჩოგბურთი ყველაზე მნიშვნელოვანი არ არის და არის პატარა რაღაცები, საიდანაც შეიძლება მიიღო სიამოვნება, თუნდაც, უბრალოდ, სეირნობით და საინტერესო თემაზე ლაპარაკით“, - ამბობს ნიკოლოზ ბასილაშვილი.

• ნიკოლოზ ბასილაშვილის ცხოვრებაში კარლოტა საჯაროდ 2020 წელს გამოჩნდა, მას შემდეგ, რაც ბასილაშვილი ყოფილი ცოლის, ნეკა დოროყაშვილის, მხრიდან ოჯახური ძალადობის ბრალდების გამო, ყურადღების ცენტრში მოექცა.

ჩოგბურთელი პირველ მეუღლეს სკანდალურად დაშორდა. თუმცა სააპელაციო სასამართლომ ბასილაშვილი, ყოფილი მეუღლის მიმართ ფიზიკურ და ფსიქოლოგიურ ძალადობაში უდანაშაულოდ ცნო.

იხილეთ ასევე:

• "კარლოტა ნიკოლოზისთვის ერთგვარი "მშვიდი ნავსაყუდელი" აღმოჩნდა" - რას წერს უცხოური მედია ქართველი ჩოგბურთელის ნიშნობასა და მის რჩეულზე