ჯეფრი ეპშტეინთან დაკავშირებული სკანდალის ფონზე პოლიციამ დიდი ბრიტანეთის მეფის, ჩარლზ III-ის ძმა, ენდრიუ უინძორი დააკავა

BBC News-ის ინფორმაციით, დიდი ბრიტანეთის მეფის, ჩარლზ მესამის ძმა, ენდრიუ მაუნტბატენ-უინძორი საჯარო სამსახურებრივი უფლებამოსილების გადამეტების ბრალდებით დააკავეს.

• გავრცელებული ინფორმაციით, ენდრიუმ, დიდი ბრიტანეთის სავაჭრო ურთიერთობების ელჩად ყოფნის პერიოდში, ჯეფრი ეპშტეინს კონფიდენციალური ინფორმაცია გადასცა.

გამოძიების სხვა დეტალები ჯერჯერობით უცნობია.

"ის ეჭვმიტანილია საჯარო სამსახურებრივი უფლებამოსილების გადამეტებაში. ამასთან, მიმდინარეობს ჩხრეკა ბერკშირისა და ნორფოლკის მისამართებზე. ამ დროისთვის პოლიციის განყოფილებაში რჩება. ეროვნული რეკომენდაციების შესაბამისად, დაკავებული მამაკაცის ვინაობას არ გავასაჯაროებთ" - ნათქვამია პოლიციის განცხადებაში.

მედიის ცნობით, პოლიციის განცხადებაში სწორედ ენდრიუ უინძორზეა საუბარი. აღსანიშნავია, რომ ენდრიუ უინძორს დღეს დაბადების დღე აქვს და 66 წლის გახდა.

როგორც ცნობილია, დიდი ბრიტანეთის სამეფო ოჯახის წევრს მჭიდრო კავშირი ჰქონდა ჯეფრი ეპშტეინთან.