როგორ ეხმაურება ირაკლი კობახიძე გიორგი ბაჩიაშვილის გათავისუფლებას

გიორგი ბაჩიაშვილმა აღიარა მის მიერ ჩადენილი დანაშაული, ითანამშრომლა გამოძიებასთან, აანაზღაურა ზიანი და დანარჩენი იყო უკვე, ბუნებრივია, სამართალდამცავი ორგანოების საქმე. შესაბამისად, დადასტურდა,რომ ამ [ბაჩიაშვილის პოლიტპატიმრობასთან დაკავშირებულ] სპეკულაციებს არ ჰქონდა არავითარი საფუძველი , - ამის შესახებ პრემიერ-მინისტრმა ირაკლი კობახიძემ ჟურნალისტებს განუცხადა, როდესაც უპასუხა შესაბამის კითხვას.

• ირაკლი კობახიძის შეფასებით, როცა ხდებოდა კონკრეტული ტიპის დანაშაულების ჩადენა, ოპოზიცია მაქსიმალურად ცდილობდა საქმეების პოლიტიზებას და ასეთი „უამრავი საქმე გვახსოვს“.

"იყო ისეთი დანაშაულებრივი საქმეები, რომლებიც საერთოდ არ იყო კავშირში პოლიტიკასთან, თუმცა აქაც კი ახერხებდნენ სპეკულაციებს. ეს ყველაფერი კიდევ ერთხელ, ამ მაგალითზეც დაადასტურა იმ მოვლენებმა, რომლებიც განვითარდა. გიორგი ბაჩიაშვილმა აღიარა მის მიერ ჩადენილი დანაშაული, ითანამშრომლა გამოძიებასთან, აანაზღაურა ზიანი და დანარჩენი იყო უკვე, ბუნებრივია, სამართალდამცავი ორგანოების საქმე. შესაბამისად, დადასტურდა,რომ ამ სპეკულაციებს არ ჰქონდა არავითარი საფუძველი და კიდევ ერთხელ, ამითაც აჩვენა საკუთარი სახე რადიკალურმა ოპოზიციამ ჩვენ ქვეყანაში“ , - განაცხადა კობახიძემ.

წაიკითხეთ ასევე:

• "ბაჩიაშვილი საკმაოდ გონიერი ადამიანია, მიხვდა, რომ უარი უნდა თქვას წამებულის როლზე და აღიაროს სიმართლე" - ვოლსკი