ოკუპირებულ აფხაზეთში ცეცხლსასროლი იარაღიდან გასროლით ოპოზიციონერი პოლიტიკოსი დაჭრეს - დაპირისპირება პოლიტიკურ კლანებს შორის: რა დეტალები ხდება ცნობილი

აფხაზი ოპოზიციონერი პოლიტიკოსი, ეშსოუ კაკალია ცეცხსლსასროლი იარაღიდან გასროლის შედეგად მიყენებული ჭრილობით სოხუმის ცენტრალურ რესპუბლიკურ საავადმყოფოში გადაიყვანეს.

• ოკუპირებული აფხაზეთის ე.წ. შს სამინისტროს ინფორმაციით, საგზაო პოლიციამ შემთხვევის ადგილი დაათვალიერა, შეაგროვა პირველადი მტკიცებულებები და ადგენს მომხდარის მიზეზებს.

"დედაქალაქის შინაგან საქმეთა დეპარტამენტის თანამშრომლები მზადყოფნაში არიან და გამოძიების შედეგების საფუძველზე მიიღება პროცედურული გადაწყვეტილება", - ნათქვამია ე.ს. შს სამინისტროს განცხადებაში.

ეშსოუ კაკალია აფხაზეთის დე ფაქტო გენერალური პროკურორის ყოფილი მოადგილე და ოპოზიციური საზოგადოებრივი ორგანიზაცია "აიდგილარას“ ერთ-ერთი ლიდერია.

ბოლო თვეების განმავლობაში ის აქტიურად აკრიტიკებდა ოკუპირებული რეგიონის ე.წ. მთავრობას, მოითხოვდა ე.წ. პრეზიდენტის ადმინისტრაციის ხელმძღვანელის, ბესლან ეშბას გადადგომას, "პრეზიდენტის" გარემოცვას კორუფციასა და მოსკოვზე ზედმეტ დამოკიდებულებაში ადანაშაულებდა.

• კაკალიას ჭრილობები ცეცხლსასროლი იარაღიდან გასროლით აქვს მიყენებული და თავის არეში მრავლობითი დაზიანებები აღენიშნება. ამჟამად მას ოპერაცია უტარდება.

როგორც გამოცემა Gazeta.abh. წერს, წინასწარი ინფორმაციით, დანაშაულში ჩართულები არიან ბესლან ეშბას ძმისშვილები. ე,წ ხელისუფლება კი ჯერჯერობით მკვლელობის მცდელობაზე არ საუბრობს და არც ეჭვმიტანილებს ასახელებს,