ლიკვიდირებულია 20 წლამდე მამაკაცი, რომელიც ტრამპის მარ-ა-ლაგოს რეზიდენციაში შეჭრას ცდილობდა - დეტალები

აშშ-ს საიდუმლო სამსახურის ცნობით, ტრამპის მარ-ა-ლაგოს რეზიდენციის დაცულ პერიმეტრში შეღწევის შემდეგ, მამაკაცი მოკლეს. მათივე ცნობით, ახალგაზრდა კაცი ცეცხლსასროლი თოფით და ბენზინის ბალონით იყო შეიარაღებული.

ადრეული ინფორმაციით, მამაკაცი 20 წლამდე ასაკის უნდა ყოფილიყო, თუმცა მისი ვინაობა ჯერ-ჯერობით არ მჟღავნდება.

პრეზიდენტ ტრამპის საჯარო გრაფიკის მიხედვით, ის შაბათ-კვირას თეთრ სახლში რჩება.

• პალმ ბიჩის ოლქის შერიფი რიკ ბრედშოუ აცხადებს, რომ მარ-ა-ლაგოს დაცვის სამსახურმა მამაკაცი ადგილობრივი დროით 01:30 საათზე შენიშნა. როცა დაცვამ კაცს უბრძანა, რომ იარაღი ძირს დაეგდო, მან ბენზინის ბალონი დადო, თუმცა თოფი სასროლ პოზიციაზე მომართა. დაცვის თანამშრომლებმა საფრთხის გასანეიტრალებლად, მამაკაცის მიმართულებით რამდენჯერმე გაისროლეს და ადგილზევე მოკლეს.

შემთხვევას ახლა FBI იძიებს. შერიფის თქმით, სროლაში მონაწილე პირებს თავდასხმის მომენტში კამერები ეკეთათ. პოლიციის ინფორმაციით, სროლისას სამართალდამცავი ორგანოების არც ერთი თანამშრომელი არ დაშავებულა.

წყარო: bbc.com

მოამზადა: ანა სიბოშვილმა