მეცნიერები დიდ ბრიტანეთში "სისხლიან წვიმას" პროგნოზირებენ - რა აზრის ცნობილი მის შესახებ და რატომ იქნება წვიმის ფერი წითელი

გაერთიანებულ სამეფოში მცხოვრები ადამიანებისთვის ყოველ დღე წვიმა უჩვეულო არაა, თუმცა მიმდინარე წელს განსაკუთრებით დიდი რაოდენობით ნალექი მოვიდა.

• მეცნიერები ამბობენ, რომ მდგომარეობა შეიძლება კიდევ უფრო გაუარესდეს.

Copernicus Atmosphere Monitoring Service (CAMS)-ის ექსპერტების განცხადებით, ბრიტანეთს მალე “სისხლიანი წვიმა“ დაატყდება თავს.

ამის მიზეზი კი საჰარის წითელი მტვრის მასაა, რომელიც ამჟამად ევროპის გავლით გადაადგილდება და დიდი ბრიტანეთისკენ მიემართება.

როდესაც ეს მტვერი ბრიტანეთის ხანგრძლივ წვიმებს შეერევა, ნალექი მოწითალო შეფერილობას მიიღებს და შეიქმნება ის ფენომენი, რომელიც “სისხლიანი წვიმის“ სახელითაა ცნობილი.

მიუხედავად შემაშფოთებელი იერისა, სპეციალისტები ამბობენ, რომ პანიკის საფუძველი არ არსებობს.

ყველაზე თვალსაჩინო შედეგი, სავარაუდოდ, წვიმის გაშრობის შემდეგ მანქანებსა და ღია ზედაპირებზე დარჩენილი თხელი მტვრის ფენა იქნება.

• ბრიტანეთისკენ მიმავალი მასა ძირითადად საჰარის მტვრისგან შედგება.

როგორც მსოფლიოს სხვა რეგიონებში, უდაბნოში ძლიერმა ქარმა შეიძლება მტვერი და ქვიშა მაღლა, ცაში აიტაცოს, ქარის მიერ მიწიდან ატაცებული მტვრის ღრუბლები ძალიან დიდ სიმაღლეებზე ადიან, ათასობით მილს გადიან და ზოგჯერ მთელ მსოფლიოში ვრცელდებიან.

წითელი წვიმის გარდა, მტვერმა შესაძლოა ასევე მოწითალო შეფერილობა მისცეს ცასაც.

მიუხედავად იმისა, რომ ეს შესაძლოა, შემაშფოთებლად ჟღერდეს, მეცნიერები საზოგადოებას ამშვიდებენ აღნიშნავენ, რომ წლის ამ პერიოდში მსგავსი მოვლენა საკმაოდ ხშირად ხდება და შიშის საფუძველი არ არსებობს.

წყარო