"მექსიკა გადამწვარი და განადგურებულია" - სულ მცირე 25 მოკლული სამხედრო და ქაოსი: რა ხდება ქვეყანაში "ელ მანჩოს" ლიკვიდირების შემდეგ (ფოტო/ვიდეო)
მას შემდეგ, რაც მექსიკის ერთ-ერთმა ყველაზე გავლენიანმა და საშიშმა კარტელმა რამდენიმე შტატში საბრძოლო მოქმედებები წამოიწყო, ქვეყანა ქაოსმა მოიცვა. მექსიკის ყველაზე ძებნილი მამაკაცისა და ხალისკოს ახალი თაობის (CJNG) ნარკოკარტელის ლიდერის, ნემესიო ოსეგუერა სერვანტესის, მეტსახელად „ელ მენჩოს“ დასაკავებლად სამხედრო სპეცოპერაცია ჩატარდა, რა დროსაც ცნობილი კრიმინალი ლიკვიდირებული იქნა.
-
“ელ მენჩoს“ სიკვდილის შემდეგ ქუჩებში მისი კლანის შეიარაღებული წევრები გამოვიდნენ და სამხედრო პირების წინააღმდეგ მასშტაბური შეტაკებები დაიწყეს.
ადგილობრივები და ტურისტები მექსიკას აღწერენ როგორც „დამწვარ და განადგურებულ“ ქვეყნად.
ინტერნეტში გავრცელდა ფოტო და ვიდეო მასალა, სადაც ჩანს დამწვარი მანქანები და კვამლის ღრუბლები, რომლებიც რამდენიმე ქალაქზე, მათ შორის პუერტო ვალიარტას სანაპირო კურორტზე ამოდის.
ნეშვილის მკვიდრმა ჯერი ჯონსმა, რომელიც ამ ქალაქში ოთხ წელზე მეტია ცხოვრობს, BBC News-ს განუცხადა, რომ „ასეთი რამ არასდროს უნახავს“ და ზოგადად თავს „აქამდე უფრო უსაფრთხოდ გრძნობდა.“
მისი თქმით, მაცხოვრებლები კვირა დილით გაკვირვებულები იყვნენ, როდესაც ელ მენჩოს დაპატიმრებისა და შემდგომი არეულობის შესახებ ინფორმაცია გავრცელდა.
ჯონსის თქმით, მანქანები გზის გასწვრივ იყო გაჩერებული და ცეცხლი ეკიდათ, მათ შორის ერთი ადგილობრივი მაღაზიის წინ „30-ზე მეტი მანქანა, დაიწვა და განადგურდა“.
მიუხედავად იმისა, რომ კვირა დილით სიტუაცია სწრაფად განვითარდა, ჯონსის თქმით, მაცხოვრებლებს ადგილობრივი ხელისუფლებისგან არანაირი ინფორმაცია არ მიუღიათ და შუადღემდე სამეზობლოში არც სამხედრო და არც პოლიცია არ უნახავს.
- მექსიკის რამდენიმე შტატის მაცხოვრებლებსა და ტურისტებს სახლში დარჩენა ურჩიეს, რადგან ბიზნესების, სკოლებისა და უნივერსიტეტების უმეტესობა დაკეტილი იყო.
მისი თქმით, ძალადობის დაწყების შემდეგ, ზოგიერთი ადამიანი მაღაზიებში იყო ჩარჩენილი და გარეთ გასვლა არ შეეძლო.
მექსიკელი ნარკობარონის გარდაცვალების შემდეგ შეტაკებებში ეროვნული გვარდიის მინიმუმ 25 ჯარისკაცი დაიღუპა.
კანადელმა კონტენტის შემქმნელმა მარკ-ანდრემ, რომელიც ასევე პუერტო ვალიარტაში ცხოვრობს, განაცხადა, რომ ჩვეულებრივ მშვიდი საკურორტო ქალაქი „ნამდვილ საომარ ზონას ჰგავდა“.
„ყველგან ხანძარი იყო, ასობით მანქანა ერთდროულად იწვოდა მთელ ქალაქში“, - თქვა მან თავის YouTube არხზე, More Life Diaries-ზე გამოქვეყნებულ ვიდეოში.
ფრენების ნაწილი ორშაბათამდე გაუქმებული რჩება.
Air Canada-მ განაცხადა, რომ სამშაბათს პუერტო ვალიარტაში, მექსიკაში, სრული სერვისის აღდგენას დაიწყებს. ავიაკომპანია ადრე მონრეალიდან, ტორონტოდან და ვანკუვერიდან დასავლეთ მექსიკის ამ ქალაქში რეისებს ასრულებდა.
იხილეთ ასევე: