"ლეგენდები ყოველთვის ფეხზე დგებიან" - ოლიმპიადაზე უმძიმესად დაშავებულ მოთხილამურეს კრიშტიანუ რონალდუ მიმართავს

სპორტსმენი, ლეგენდარული მოთხილამურე ლინდსი ვონი ზამთრის ოლიმპიურ თამაშებზე ისე დაშავდა, რომ მედიკოსები ფეხის ამპუტაციის საჭიროებაზე საუბრობდნენ.

საბედნიეროდ, ექიმებმა შეძლეს და ლინდსის კიდური შეუნარჩუნეს.

• მოთხილამურემ, ფეხბურთის ვარსკვლავისგან, კრიშტიანუ რონალდუსგან ემოციური შეტყობინება მიიღო.

“ჩემპიონებს განსაზღვრავს არა მხოლოდ ის მომენტები, როცა ისინი იმარჯვებენ, არამედ ისიც, როცა არ ნებდებიან, შენ მიერ დაპყრობილი მთები არასდროს ყოფილა იმ ძალაზე დიდი, რაც შენშია.

იბრძოლე ბოლომდე. ლეგენდები ყოველთვის ფეხზე დგებიან", - ასე მიმართა რონალდუმ სოციალურ ქსელში ლინდსი ვონს.

ვონს ასევე ემოციური შეტყობინება გაუგზავნა ზლატან იბრაჰიმოვიჩმაც - "დანებება არც განიხილო", - წერს ზლატანი.

ოლიმპიადის მსვლელობისას ლინდსი ვონი ბოძს შეეჯახა და ტრასაზე დაეცა. იგი ვერტმფრენით სასწრაფოდ გადაიყვანეს საავადმყოფოში, სადაც გამოკვლევებმა აჩვენა, რომ ფეხსა და კოჭზე მძიმე მოტეხილობები ჰქონდა.

ლინდის რამდენიმე რთული ოპერაცია ჩაუტარდა. ამჟამად ის უკვე გაწერილია საავადმყოფოდან, თუმცა წინ მძიმე და ხანგრძლივი რეაბილიტაციის პერიოდი ელის.

წყარო