"ვერასდროს წარმოვიდგენდი, რომ ნახევრად ქართველი იყო" - მსოფლიოში ცნობილი "ინფლუენსერი", რომლის ვიდეოებსაც 100 მილიონამდე ნახვა აქვს და კავშირი საქართველოსთან

ციფრულ სამყაროში მარიტა პლიევას ფენომენი სცილდება სტანდარტულ "ინფლუენსერობას“. მას ინსტაგრამზე 6 მილიონი გამომწერი ჰყავს და მის იუმორისტულ ვიდეოებს კი 50-100 მილიონამდე ნახვები აქვს. მარიტას ცხოვრებას არაერთი ქართველი ადევნებს თვალს და მის მიმართ ინტერესი მას შემდეგ გაიზარდა, რაც აღმოაჩინეს, რომ გოგონას დედა ქართველია.

გაგაცნობთ მარიტას, გოგონა, პატარა ოსური სოფლიდან, რომელმაც მილიონობით ადამიანის გულამდე მიაღწია.

საიდან დაიწყო ყველაფერი და სად ცხოვრობს მარიტა დღეს?

მარიტა პლიევა ვლადიკავკაზის ერთ-ერთ სოფელში დაიბადა. გოგონა ტრადიციულ გარემოში გაიზარდა. თუმცა, მისი ამბიციები მშობლიურ სოფელს არ დასჯერდა და საცხოვრებლად მოსკოვში გადავიდა. ამან კი საშუალება მისცა იყოს მოვლენების ეპიცენტრში, მართოს მასშტაბური პროექტები და ჰქონდეს წვდომა უდიდეს ციფრულ პლატფორმებთან. მიუხედავად მეგაპოლისში ცხოვრებისა, ის ინარჩუნებს მჭიდრო კავშირს კავკასიასთან, რაც მის ყოველ ნაბიჯში იგრძნობა.

რითია გამორჩეული მისი კონტენტი?

მარიტას კონტენტი არ არის მხოლოდ ლამაზი ფოტოები. მისი მთავარი იარაღი ემოციური ინტელექტი და ამბის თხრობაა. ის არ ერიდება სოციალურ ქსელში საკუთარი სისუსტეების, მარცხისა და ცხოვრებისეული გაკვეთილების ჩვენებას. მისი ვიდეოები ხშირად აერთიანებს თანამედროვე ურბანულ სტილსა და ეთნო-ელემენტებს. სწორედ ამ კულტურულმა მიქსმა გახადა ის საინტერესო როგორც კავკასიური, ისე დასავლური აუდიტორიისთვის.

მარიტა ერთ-ერთი პირველია, ვინც ბლოგერული გავლენა რეალურ ქმედებად აქცია. ანაპაში, ეკოლოგიური კატასტროფის ზონაში მისი მუშაობა (28 მილიონი ნახვა) გახდა იმის დასტური, რომ კონტენტი შეიძლება იყოს გადამრჩენელი ძალა.

"თინა ფილიშვილის გოგო" – ქართული გენი, როგორც სიურპრიზი

ინტერნეტ-მომხმარებლებისთვის ნამდვილი შოკი აღმოჩნდა მარიტას დედის, თინა ფილიშვილის ვინაობის გაგება. თინა, რომელიც საქართველოდან არის და თბილისის პოლიტექნიკური უნივერსიტეტის კურსდამთავრებულია, მარიტასთვის ის მთავარი ხაზია, რომელიც მას საქართველოსთან აკავშირებს.

გამომწერებმა "დეტექტიური“ სიზუსტით ააწყვეს ფაზლი:

ვიდეო, სადაც მარიტა ქართულ ცეკვას სწავლობს, არ იყო უბრალო ჰობი – ეს იყო გენეტიკური მეხსიერების გაღვიძება.

მისი ვიზიტები საქართველოში და აღტაცება ქართული კულტურით სწორედ დედის მხრიდან მიღებული მემკვიდრეობაა.

როდესაც მომხმარებლებმა დედის კომენტარებში ქართული გვარი დაინახეს, ყველაფერი ნათელი გახდა. მარიტა პლიევა აღმოჩნდა ნახევრად ქართველი, რაც მის ტემპერამენტს, ამბიციებსა და იმ განსაკუთრებულ შინაგანი თავისუფლების შეგრძნებას ხსნის, რომელიც მის კონტენტს გასდევს.

"ვერასდროს წარმოვიდგენდი, ნახევრად ქართველი რომ იყო"

"მეც არ ვთქვი, რატომ მომწონდა ეს გოგო ასე ძალიან"

"მიხარია, რომ საქართველოში ხარ" - წერენ თბილისში გადაღებული ვიდეოს კომენტირებისას ქართველები.