ეპშტეინის მასალებში სტივენ ჰოკინგი 250-ჯერ არის ნახსენები - ფიზიკოსი კერძო კუნძულზე და ფოტოები, რომელიც ახლახან გამოქვეყნდა: რა ხდება ცნობილი?

აშშ-ის იუსტიციის დეპარტამენტის მიერ, ფინანსისტ ჯეფრი ეპშტეინის შესახებ გამოქვეყნებულ დოკუმენტებს შორის, რამდენიმე ფოტოზე მსოფლიოში ცნობილი ფიზიკოსი, პროფესორი სტივენ ჰოკინგი ფიგურირებს.

ფოტომ გამოქვეყნებისთანავე მიიპყრო მსოფლიო მედიის ყურადღება. კემბრიჯელი თეორიული ფიზიკოსი ორ ბიკინიში გამოწყობილ ქალს შორის წევს და იღიმის. ქალებს ხელში ხილის კოქტეილები უჭირავთ და მზეზე ირუჯებიან.

გაურკვეველია, როდის და სად არის გადაღებული ფოტო, თუმცა შესაძლებელია, რომ ის ეპშტეინის კერძო კუნძულზე იყოს გადაღებული.

• ჰოკინგი იმ 21 მსოფლიოში ცნობილ მეცნიერს შორის იყო, რომლებიც 2006 წელს ეპშტეინის მიერ, მის კუნძულსა და მეზობელ კუნძულ სენტ-ტომასზე ორგანიზებულ კონფერენციას დაესწრნენ.

ჰოკინგი, რომელიც 2018 წლის მარტში, 76 წლის ასაკში გარდაიცვალა, 50 წელზე მეტი ხნის განმავლობაში ამიოტროფიულ სკლეროზს (ALS) ებრძოდა. ის ეპშტეინთან სტუმრად 2006 წლის მარტში მიიწვიეს - ხუთი თვით ადრე, სანამ ფინანსისტს არასრულწლოვანთა პროსტიტუციაში პირველად დაადანაშაულებდნენ.

აშშ-ის იუსტიციის დეპარტამენტის მიერ გამოქვეყნებული დოკუმენტების მიმოხილვის შედეგად გამოვლინდა, რომ ფიზიკოსი „ეპშტეინის ფაილებში“ სულ მცირე 250-ჯერ არის ნახსენები. თუმცა არ არსებობს პირდაპირი მტკიცებულება იმისა, რომ ჰოკინგი რაიმე სახის დანაშაულებთან იყო დაკავშირებული.

2015 წელს გამოქვეყნებულ ფოტოებზე ცნობილი ფიზიკოსი ინვალიდის ეტლში ბარბექიუს დროს არის გამოსახული.

მოგვიანებით მას ეპშტეინის კუნძულის გარშემო, ზღვის ფსკერის წყალქვეშა ტური ჩაუტარეს.

პედოფილმა ჰოკინგისთვის სპეციალურად მოაწყო წყალქვეშა ხომალდი - ფიზიკოსი მანამდე არასდროს ყოფილა წყალქვეშ.

კონფერენცია ხუთვარსკვლავიან სასტუმრო „რიც-კარლტონში“ გაიმართა, სადაც ნომრების ღირებულება ღამეში 1600 დოლარი იყო. ის წმინდა თომას კუნძულზე, ლითლ წმინდა ჯეიმსთან ახლოს მდებარეობდა.

ჯეფრი ეპშტეინ VI-ის ფონდის ბლოგმა გამოაქვეყნა სტატია კონფერენციის შესახებ, სახელწოდებით „ცარიელი სივრცის ენერგია, რომელიც ნულის ტოლი არ არის“.

პოსტში ნათქვამია, რომ სტუმრებმა „შეძლეს შეხვედრა, სხვადასხვა საკითხის განხილვა, სანაპიროზე დასვენება და ფილანტროპ ჯეფრი ეპშტეინის საკუთრებაში არსებული ახლომდებარე კერძო კუნძულზე მოგზაურობა. ღონისძიება ეპშტეინის მიერი იყო დაფინანსებული.“

ჯეფრი ეპშტეინი საკუთარ თავს „მეცნიერსა და ფილანტროპს“ უწოდებდა. ის დიდ შემოწირულებებს ახორციელებდა სამეცნიერო მიზნებისთვის. დაპატიმრების შემდეგ, ბევრი მეცნიერი და მკვლევარი მისგან დისტანცირდა.

• როგორც „ნიუ-იორკ თაიმსი“ იუწყება, ეპშტეინი შეპყრობილი იყო „ტრანსჰუმანიზმით“ - რწმენით, რომ ადამიანის სახეობა შეიძლება მიზანმიმართულად განვითარდეს ტექნოლოგიური მიღწევების, გენური ინჟინერიისა და ხელოვნური ინტელექტის მეშვეობით.

ის კაცობრიობის გენეტიკურად გაუმჯობესებისკენ ისწრაფოდა. როგორც ამბობენ, ის ხალხს ეუბნებოდა, რომ სურდა რაც შეიძლება მეტი ქალის დაორსულება და თავისი გენების გავრცელება.

იუსტიციის დეპარტამენტის მიერ გამოქვეყნებული დოკუმენტების თანახმად, FBI-მ ასევე მიიღო კიდევ ერთი დაუდასტურებელი ინფორმაცია, რომ ეპშტეინი 2011 წელს ჰოკინგთან ერთად „მხოლოდ მამაკაცებისთვის განკუთვნილ გეი კლუბს“ ეწვია.

წყარო

იხილეთ ასევე:

• ეპშტეინის ფაილებში კიდევ ერთი ქართული გვარ-სახელი გამოჩნდა, რომელიც აქამდე რედაქტირებული იყო და მალავდნენ - რა ინფორმაციები გაასაჯაროვეს ამერიკელმა კონგრესმენებმა
• ვინ არის ელენა ქანთარია, რომელიც ეპშტეინის ფაილებშია ნახსენები და სად გაქრა ამერიკელი მაღალჩინოსნის თვითმკვლელობის შემდეგ - "პირად საკითხებს უგვარებდა"
• ზეადამიანებისა და კლონების შექმნის მცდელობები... ეპშტეინი “ახალი რასის“ გამოყვანას ცდილობდა? - კიდევ ერთი სკანდალური მიმოწერა