"განიხილება დასანქცირებული “იმედისა“ და "POSTV“-ის გაერთიანება "რუსთავი2“-თან" - რას წერს ნიკა გვარამია
"იხილება დასანქცირებული “იმედისა“ და "POSTV“-ის გაერთიანება "რუსთავი2“-თან", - ამის შესახებ "კოალიცია ცვლილებებისთვის“ ლიდერი ნიკა გვარამია სოციალურ ქსელში წერს.
- გვარამიას განცხადებით, აღნიშნული სანქცირებული ტელეკომპანიების ტრანსლაცია საერთაშორისო (თანამგზავრული თუ ინტერნეტ) პლატფორმების მეშვეობით შეწყდება. ასევე, მისი განცხადებით, ვერც საკაბელო ტელევიზიებში ვეღარ იქნებიან და ვერც "მუქსი“ (ქართული ციფრული მაუწყებელი) ვეღარ მოახდენს მათ ტრანსლირებას.
"იხურება ყველა ლიცენზირებული შოუ და სერიალი იმედზე და "პოს ტვ“-ზე, რაც პრაქტიკულად ამ "მედიების" დახურვაა.
იხურება მათი "პეიჯები“ FB-ზე.
ვერც ერთი ბანკი ვერ მოემსახურება ვერც ერთ ტვს.
იხურება "იმედის“ მიერ შექმნილი რეიტინგების მთვლელი, რადგან კარგავს ბრიტანულ ლიცენზიას, შესაბამისად, რეკლამის ლეგალურად გაყიდვას ვეღარ შეძლებენ. ვერც რეიტინგების გაყალბებას.
რეკლამის მიტანა არა მარტო საერთაშორისო ბრენდების, არამედ საერთაშორისო აფილაციების კომპანიების მიერაც კი, მათთვის ან ეგრევე უმძიმეს შედეგებს, ან უმძიმესი პოტენციალის რისკებს გააჩენს.
ტრანსლაცია საერთაშორისო (თანამგზავრული თუ ინტერნეტ) პლატფორმების მეშვეობით შეწყდება.
ვერც საკაბელო ტელევიზიებში ვეღარ იქნებიან და ვერც მუქსი (ქართული ციფრული მაუწყებელი) ვეღარ მოახდენს მათ ტრანსლირებას (რამდენადაც მახსოვს, EBRDის კრედიტზეა მუქსის მფლობელი შპს)
რუხაძის და სხვების წასვლა დამფუძნებლების და მენეჯერების თანამდებობებიდან, "განწმენდის" ფუნქციას ვერანაირად ვერ შეასრულებს. ჩათვალეთ, რომ სიცოცხლის ბოლომდე ვერ გაივლიან ვერც ერთი ბანკის KYC შემოწმებას - არათუ კრედიტებს ვერ აიღებენ ვერც თავად და ვერც ის იურიდიული პირები, სადაც რომელიმე მათგანი რაიმე ფორმით გამოჩნდება, არამედ მოქმედი ანგარიშებიც შეიძლება დაეხუროთ და ბარათები გაუუქმდეთ
იხილება დასანქცირებულების გაერთიანება რ2-თან (რასაც ვულოცავ ამ უკანასკნელს ), რაც რ2-ის რეალურად გაუქმებაა (გეპეის და უნივერსიტეტის გაერთიანების არ იყოს). რატომ ჰგონიათ ოღონდ, რომ რ2 დიდ ხანს იქნება უსანქციოდ, მაგას ვერ გეტყვით. ყველაფერი წინ აქვს რ2-ს და მის დამფუძნებლებს. ახლა ეგენი რომ დაიწყებენ გაქცევას (რუხაძესავით), მაგასაც ვიხილავთ”, - წერს ნიკა გვარამია.