"მომაკვდავი ვარსკვლავი" - ჯეიმს ვების ტელესკოპმა უიშვიათესი კადრი გადაიღო
NASA-ს ჯეიმს ვების კოსმოსურმა ტელესკოპმა კოსმოსში მომაკვდავი ვარსკვლავის გარშემო წარმოქმნილი ნისლეულის შთამბეჭდავი ფოტო გადაიღო.
- ფოტოში ფერადი აირებისა და მტვრის ღრუბლები ჩანს, რომლებიც ვარსკვლავის სიცოცხლის ბოლო ეტაპზე წარმოიქმნება და კოსმოსში თვალწარმტაც სტრუქტურებს ქმნის.
მომაკვდავი ვარსკვლავები, სიცოცხლის დასასრულს, გარე ფენებს კარგავენ. სწორედ ამ პროცესის შედეგად ჩნდება ნისლეული - კოსმოსური გაზისა და მტვრის გაფანტული ღრუბელი.
ჯეიმს ვების მიერ გადაღებული ახალი კადრებიც ამ იშვიათ პროცესს ასახავს.
ტელესკოპი კოსმოსში 2021 წლის 25 დეკემბერს გაუშვეს. ის მზის გარშემო, დედამიწიდან დაახლოებით 1.6 მილიონი კილომეტრის დაშორებით მოძრაობს. ასეთი პოზიცია საშუალებას აძლევს განსაკუთრებით შორეული ობიექტები დააფიქსიროს.
- ჯეიმს ვების ტელესკოპს შეუძლია დაინახოს ის დეტალები, რომლებიც სხვა ტელესკოპებისთვის უხილავია. სწორედ ამიტომ, მომაკვდავი ვარსკვლავის გარშემო არსებული სტრუქტურები კადრებში განსაკუთრებული სიზუსტით ჩანს.
"როგორც ჩანს, ნისლეულს აქვს ერთმანეთისგან მკვეთრად განსხვავებული რეგიონები, რომლებიც მისი ევოლუციის სხვადასხვა ეტაპს ასახავს". - ნათქვამია NASA-ს განცხადებაში.