რუსეთში 18 თვის ბავშვი 33 მეტრის სიმაღლიდან გადმოვარდა და სასწაულებრივად გადარჩა - "ის ფანჯარაზე აძვრა, გააღო და..." (ვიდეო)
რუსეთში, სანქტ-პეტერბურგში, 18 თვის ბავშვი საცხოვრებელი კორპუსის ფანჯრიდან, 33 მეტრის სიმაღლიდან გადმოვარდა და სასწაულებრივად გადარჩა. ის გამვლელებმა ქურთუკის საშუალებით დაიჭირეს.
- შოკისმომგვრელი კადრები მედიაში ვრცელდება. ბავშვი ჯერ ფანჯრის რაფაზე ავიდა, ფანჯარა გააღო, ხელით მოეჭიდა, თუმცა ხელი გაუსხლტა და გადავარდა. კორპუსთან იმყოფებოდა ორი მედდა, რომლებმაც შეამჩნიეს, რომ ბავშვი ფანჯრის რაფაზე ეკიდა. ერთ-ერთმა მათგანმა, ოლგა არტემიევამ სწრაფად გაიხადა ქურთუკი და მეორე მედდის, ანა კაბაშოვას დახმარებით გაშალა, რათა ბავშვი დაეჭირათ.
"ინსტინქტურად ვმოქმედებდით, არ ვიცოდით ასეთ სიტუაციაში რა უნდა გვექნა", - ამბობს ანა ადგილობრივ ჟურნალისტებთან
როგორც თვითმხილველები ამბობენ, ბავშვი დაახლოებით 20 წუთის განმავლობაში ცდილობდა ფანჯრის გაღებას და ის უმეთვალყურეოდ, უფროსის გარეშე იყო.
სასწრაფოდ გადაიყვანეს კლინიკაში - საავადმყოფოში მოზარდის მდგომარეობა დამაკმაყოფილებლად შეფასდა.
გავრცელებული ინფორმაციით, ბავშვის მშობლები იმ დროს მეზობლებს სტუმრობდნენ. მისი 18 წლის ძმა კი სხვა ოთახში კომპიუტერთან თამაშობდა და მხოლოდ ქუჩიდან ყვირილის გაგონების შემდეგ მიხვდა, რა ხდებოდა.