ირანის სარაკეტო იერიშს აბუ-დაბიში ერთი ადამიანი ემსხვერპლა - როგორია არაბთა გაერთიანებული საამიროების პოზიცია

ირანის სარაკეტო იერიშის შედეგად აბუ-დაბიში ერთი ადამიანი დაიღუპა, - ინფორმაციას არაბთა გაერთიანებული საამიროების თავდაცვის სამინისტრო ავრცელებს.

• არაბთა გაერთიანებული საამიროების თავდაცვის სამინისტროს ცნობით, საჰაერო თავდაცვის სისტემის მოქმედების შემდეგ ირანის მიერ გაშვებული რაკეტის ნამსხვრევები აბუ-დაბიში საცხოვრებელ ზონაში ჩამოვარდა.

"ეს ეროვნული სუვერენიტეტისა და საერთაშორისო სამართლის აშკარა დარღვევაა და არაბთა გაერთიანებული საამიროები ამ ესკალაციაზე პასუხის უფლებას იტოვებს“, - ნათქვამია თავდაცვის უწყების განცხადებაში.

ცოტა ხნის წინ, ირანმა აშშ-ისა და ისრაელის დარტყმების საპასუხოდ ახლო აღმოსავლეთში მდებარე ამერიკული სამხედრო ბაზების მიმართულებით რაკეტები გაუშვა.

წაიკითხეთ ასევე:

• სად აქვს აშშ-ს სამხედრო ბაზები რეგიონში, რომელსაც ირანი თავს ესხმის და ევროპის რომელი ქვეყნებია საფრთხის ქვეშ, ბალისტიკური რაკეტების გამოყენების შემთხვევაში
• ირანი "გამანადგურებელი პასუხისთვის" ემზადება - რას ამბობენ ოფიციალური პირები თეირანიდან