მედიის ინფორმაციით, აშშ-ისა და ისრაელის მიერ განხორციელებული დარტყმების შედეგად ირანში, გოგონების სკოლაში 40 ადამიანი დაიღუპა

აშშ-ისა და ისრაელის მიერ განხორციელებული დარტყმების შედეგად სამხრეთ ირანში მდებარე სკოლაში 40 ადამიანი დაიღუპა, - ინფორმაციას Associated Press-ი ირანის სახელმწიფო მედიაზე დაყრდნობით ავრცელებს.

• ირანის სახელმწიფო საინფორმაციო სააგენტო IRNA-ს ცნობით, ჰორმაზაგანის პროვინციის ქალაქ მინაბში მდებარე გოგონების სკოლაზე დარტყმის შედეგად დაღუპულთა რიცხვი 40-ს აღწევს.

ასევე, დარტყმების შედეგად, სულ მცირე, 45 ადამიანი დაშავდა.

Associated Press-ის ინფორმაციით, ქალაქ მინაბში ირანის „ისლამური რევოლუციის გუშაგთა კორპუსს“ ბაზა აქვს.

წაიკითხეთ ასევე:

• დილის შეტევა, როგორც მოულოდნელობის ეფექტი... - როგორ იგეგმებოდა ირანზე თავდასხმა და რატომ უწოდა ისრაელმა სპეცოპერაციას "ლომის ღრიალი"