"ვიწყებთ დამანგრეველ ოპერაციას" - ირანის ისლამური რევოლუციის გუშაგთა კორპუსი განცხადებას აქვეყნებს, თეირანში კი აფეთქებების ხმა ისმის: რა ხდება ირანში აიათოლა ალი ხამენეის ლიკვიდაციის შემდეგ
ირანის ისლამური რევოლუციის გუშაგთა კორპუსის განცხადებით, ისრაელისა და ამერიკული ბაზების წინააღმდეგ "დამანგრეველ შეტევით ოპერაციას“ იწყებენ.
-
"ირანის ისლამური რესპუბლიკის შეიარაღებული ძალების ისტორიაში ყველაზე დამანგრეველი შეტევითი ოპერაცია ოკუპირებული ტერიტორიებისა და ამერიკული ტერორისტული ბაზების მიმართულებით სულ რამდენიმე წამში დაიწყება“, - აღნიშნულია განცხადებაში.
მანამდე, ირანის ისლამური რევოლუციის გუშაგთა კორპუსმა განცხადება გაავრცელა უზენაესი ლიდერის, აიათოლა ალი ხამენეის გარდაცვალებასთან დაკავშირებით, სადაც ის დიდ ლიდერად მოიხსენია და აღნიშნა, რომ უზენაესი ლიდერის გარდაცვალება ირანს უფრო მეტად მტკიცეს გახდის, თავისი გზა გააგრძელოს.
პარალელურად, ირანის დედაქალაქ თეირანში რამდენიმე საათია აფეთქებების ხმა ისმის, - ინფორმაციას BBC-ი ავრცელებს.
აშშ-ის ცენტრალურმა სარდლობამ X-ზე გამოაქვეყნა ვიდეო, სადაც ჩანს, თუ როგორ აფეთქებენ აშშ-ის რაკეტები სამიზნეებს.
- "ცენტრალური სარდლობა ახლა სწრაფ და გადამწყვეტ მოქმედებებს ახორციელებს მითითებების შესაბამისად“, - აღნიშნულია სარდლობის განცხადებაში.
ისრაელის თავდაცვის ძალებმა ცოტა ხნის წინ ასევე განაცხადა, რომ მათ ათობით გამანადგურებელი თვითმფრინავიდან დარტყმების კიდევ ერთი ტალღა დაიწყეს, რომელიც ირანის სარაკეტო მარაგებსა და თავდაცვით სისტემების წინააღმდეგ არის მიმართული.
"ისრაელის საჰაერო ძალებმა ირანის მასშტაბით ტერორისტული რეჟიმის 30-ზე მეტ სამიზნეს შეუტიეს, მათ შორის საჰაერო თავდაცვის სისტემებს, რაკეტების გამშვებ სისტემებს, რეჟიმის სამიზნეებს და სამხედრო სარდლობის ცენტრებს“, - აღნიშნულია ისრაელის თავდაცვის ძალების განცხადებაში.
- ნახეთ ასევე:
- ირანის სახელმწიფო ტელევიზიის ინფორმაციით, აიათოლა ალი ხამენეი ლიკვიდირებულია - ქვეყანაში 40-დღიანი გლოვა გამოცხადდა